Apocalipsis 2:14 - CHUYA QELLQA La Biblia en Quechua de Ayacucho 2012

¹⁴ Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruwaqkunata. Balaammi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa idolokunaman ofrecesqa aychata mikuspanku waqllikuspa huchallikurqaku.

Quechua Ayacucho Bible 1987

¹⁴ Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruraqkunata. Balaanmi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa Taytachakunaman ofrecesqa aychata mikuruspa hinaspa huchapakuspa huchallikururqaku.

Chuya Qellqa 1992

¹⁴ Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruwaqkunata. Balaammi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa idolokunaman ofrecesqa aychata mikuspanku waqllikuspa huchallikurqaku.

Apocalipsis 2:14 Iomraidhean Croise

Isaías 57:14

Tayta Diosmi nin: Ñanta kichaspa allichaychik, llaqtay pasananpaq ñanpi mitkachikuqkunata wischuychik, nispa.

Jeremías 6:21

Chayraykum ñoqa Tayta Dios kaynata nini: Kay llaqta mitkananpaqmi trancata churasaq, tayta-mamanpas wawa-churinkuwan kuskam wichinqaku, vecinonpas, puriqmasinkunapas chaymanmi wichinqaku, hinaspam chaypi wañunqaku.

Ezequiel 3:20

Sichum pipas allinkunata ruwachkaspan qepancharuwanqa hinaspam mana allintaña ruwaptinqa, ñoqam mitkananpaq trampata churarusaq, hinaptinmi wañurunqa. Ichaqa mana rimapayasqaykiraykum huchanpi wañurunqa. Hinaptinqa tukuy allinkuna ruwasqankunatapas manam qawarisaqchu, ichaqa paypa wañusqanmantam qanmanta cuentata mañasqayki.

Ezequiel 44:12

Ichaqa paykunam Israelpa mirayninkunata servispanku idolokunata yupaychachirqaku, chaynatam huchallichirqaku; chay huchankumantam paykunaqa castigasqa kanqaku. Ñoqa Tayta Diosmi chaynata nini.

Números 24:14

Kunanqa llaqtaymanmi kutikusaq, ichaqa hamuq punchawkunapi runaykikunata wak runakuna imam ruwananmantayá willay-kusqayki, nispa.

Números 31:16

Chay warmikunam Balaampa umachasqan kaspanku Tayta Diospa contranpi Israelpa mirayninkunata hatarichirqaku, chaynapi Baal-peor idolotaña servinankupaq. Chayraykum Tayta Diosqa runankunata peste onqoywan wañuchirqa.

Números 31:8

Paykunatawan kuskatam Madianpa pichqa reyninkutapas wañuchimurqaku, chay reykunam karqa: Evi, Requem, Zur, Hur hinaspa Reba. Beorpa churin Balaamtapas espadawanmi wañurachirqaku.

Mateo 18:7

¡Mayna llakikuypaqmi runata kay pachapi imapas huchallichiq kaqkunaqa! Chaykunaqa kanqapunim, ichaqa ¡imaynaraq kanqa runamasinta huchaman tanqaq runaqa!

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

Hechos 21:25

Ichaqa mana judío kaq iñiqkunamanqa, ñam cartata aparqankichikña, chaypim nirqanchik: “Amam mikunkichikchu idolokunaman ofrecesqa mikuytaqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu”, nispanku.

Romanos 11:9

Davidpas kaynatam nirqa: “Convido ruwasqankupas trampa hinayá rikuriruchun, convido ruwasqankupas toqlla hinayá rikuriruchun, urmaruspanku castigasqa kanankupaq.

Romanos 14:13

Chaynaqa, amañayá kikinchikpuraqa juzganakusunchu, aswanqa tanteakuychik ama wawqe-panikichikta urmachinaykipaq hinaspa iñiyninpi ama wichichinaykichikpaq.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

Romanos 9:32

¿Imanasqataq manaqa tarirqakuchu? Diosman mana iñisqankuraykum chaynataq ruwayllankuwan maskasqankuraykum. Chaynapim mitkana rumipi mitkakururqaku.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 7:2

Ichaqa mana huchaman wichinanpaqmi sapakama warmiyuq otaq qosayuqpas kananku.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

Josué 24:9

Chaymantam Ziporpa churin Moabpa reynin Balac qamkunapa con-traykichikpi peleaspan Beorpa chu-rin Balaamta ñakasunaykichikpaq qaya-chimurqa.

1~Pedro 2:8

Kaytapas nintaqmi: “Paymi mitkana rumi hinaspa urmachikuq hatun rumi”, nispapas. Paykunaqa Diospa palabranta mana kasukusqankuraykum mitkarunku, chaypaqqa citasqañam karqaku.

2~Pedro 2:15

Allin ñanta saqeruspankum pantaypiña purichkanku, Beorpa churin profeta Ba-laampa ruwasqantañam qatipakuchkan-ku, Balaammi qollqe ganayta munaspan mana allin kaqta ruwarqa;

Judas 1:11

¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.