Apocalipsis 2:13 - CHUYA QELLQA La Biblia en Quechua de Ayacucho 2012

¹³ Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Quechua Ayacucho Bible 1987

¹³ Ñoqaqa yachanim maypim *f**yachasqaykita, Satanaspa munaychakusqanpim *f**yachachkanki. Chaywanpas qaqa hina sayaspam qatiwachkanki. Manamá iñiwasqaykitaqa negarqankichu chay Satanaspa yachasqanpi ñoqamanta allin testigakuq Antipas qayllaykichikpi wañuchisqa kachkaptinpas.

Chuya Qellqa 1992

¹³ Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 2:13 Iomraidhean Croise

Mateo 10:23

Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Lucas 21:17

Ñoqaraykum llapallan runakuna cheqnisunkichik.

Hechos 22:20

Iñiqniki Estebanta wañuchiptinkupas kikiypunim chaypi kaspay: “Allintam ruwachkankichik” nispay wañuchiqkunapa pachanta waqaycharqani.

Hechos 9:14

Kunanñataqmi sumo sacerdotemanta autorizacionta mañakaykamuspan hamurun qampa sutikipi iñiqkunata presochananpaq, nispa.

1~Tesalonicenses 5:21

Tukuy ima profetizasqankutapas pruebaspayá allin kaqta waqaychaychik,

1~Timoteo 5:8

Sichum pipas ayllunkunata hinaspa tukuymanta llalliqtaqa wasinpi yachaqkunata mana mantienespanqa iñisqantapas qepanchakurunñam, Diosman mana iñiq runakunamantapas aswanraqmi payqa rikurirun.

2~Timoteo 1:13

Ñoqamanta allin yachachikuy chaskisqaykiman hinayá iñiypi Cristo Jesuspa kuyakuyninpi kawsay.

2~Timoteo 2:12

ñakarispaqa paywanmi munaychakusun, payta negaptinchikqa, paypas negaruwasuntaqmi,

Hebreos 10:23

Ama maylawmanpas muyuspayá imam iñisqanchikpi takyasunchik, Diosqa imam prometewasqanchiktaqa cumplinqapunim.

Hebreos 3:6

Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.

Santiago 2:7

¿Manachum paykunaqa Cristopa sumaq sutin rimasqaykichikmanta imaymanata rimanku?

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 11:3

Ñoqañataqmi iskay testigoykunata kachasaq, chaynapi qachqa pachawan hinakuykuspanku waranqa iskay pachak soqta chunka punchaw ñoqamanta willakamunankupaq, nispa.

Apocalipsis 12:11

Wawqe-paninchikkunaqa Corderopa yawarninwanmi hinaspa willakusqanku palabrawanmi vencerqaku, paykunaqa manam wañuytapas manchakurqakuchu.

Apocalipsis 13:2

Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

Apocalipsis 14:12

Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 17:6

Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa. Chayta qawaykuspay sinchita admirakuptiymi

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.