Apocalipsis 2:10 - CHUYA QELLQA La Biblia en Quechua de Ayacucho 2012

¹⁰ Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Quechua Ayacucho Bible 1987

¹⁰ Amayá manchakuychu ñakarinaykimantaqa, wakinnikichiktam diablo hinachisunkichik carcelman pruebasunaykichikpaq hinaptinmi ñakarinkichik chunka punchaw. Ichaqa qaqa hina sayaptikiqa wiñay kawsay premiotam qosqayki.

Chuya Qellqa 1992

¹⁰ Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñakarinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 2:10 Iomraidhean Croise

Lamentaciones 3:57

qayakamusqay punchawpim asuykamuwaspayki: “Ama manchakuychu”, niykullawarqanki.

Daniel 1:12

Ruegakuykim ñoqaykuta prueba-wanaykikupaq; chunka punchawyá verdurakunallata mikuchiwayku hinas-pa yakullata tomachiwayku

Daniel 1:14

Chaymi chay mayordomoqa imam mañakusqankuta uyariykuspan chunka punchaw pruebarqa.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 24:13

Pipas tukupaykama takyaqmi ichaqa salvasqa kanqa.

Marcos 13:13

Ñoqaraykum lliw runakuna cheqnisunkichik, ichaqa tukupaykama takyaqmi salvasqa kanqa.

Marcos 8:35

Pipas vidanta salvay munaqqa chinkarunqam, ñoqarayku hinaspa evangeliorayku wañuqmi ichaqa vidanta salvanqa.

Lucas 21:12

Ichaqa manaraq chaykuna pasa-kuchkaptinmi, presochasqa hinaspa qatikachasqa kankichik. Sinago-gakunaman hinaspa carcelkunaman apasqam kankichik. Ñoqaraykum reykunapa hinaspa gobernadorkunapa qayllanman apasqa kankichik.

Juan 12:25

Pipas vidallan kuyaqqa wiñaypaqmi pierdenqa, pipas kay pachapi vidan cheqniqñataqmi wiñay kawsananpaq waqaychasqa kanqa.

Juan 13:2

Jesusmi discipulonkunawan cenachkarqa, diabloqa Simonpa churin Judas Iscariotetam umacharurqaña Jesusta traicionananpaq.

Juan 13:27

Chayta mikuykuptillanmi Judasman Satanás yaykururqa. Chaymi Jesús nirqa: Chay ruwanaykita utqayman ruway, nispa.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Hechos 21:13

Pabloñataqmi nirqa: ¿Imanasqataq waqaspaykichik llaki-chiwankichik? Manam watasqa kanallaypaqchu kachkani, ñoqaqa chayllam kachkani Señor Jesucristorayku Jeru-salenpi wañunaypaqpas, nispa.

1~Corintios 9:25

Kallpanankupaq preparakuqkunaqa tukuy mana allinninpaq kaqkunamantam waqaychakunku, chaynataqa ruwanku tukuruqlla premiota chaskinallankupaqmi, ñoqanchikmi ichaqa ruwachkanchik wiña-wiñaypaq premio chaskinanchikpaq.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

1~Pedro 5:4

Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 13:2

Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

Apocalipsis 13:7

Chaynataqmi chay manchakuypaq animalmanqa atiy qosqa karqa chuya llaqtapa contranpi peleaspa vencenanpaq chaynataq kay pachapi llapallan ayllukunata, castakunata, tukuy rikchaq rimayniyuqkunata hinaspa nacionkunata kamachinanpaqpas.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.