Apocalipsis 19:9 - CHUYA QELLQA La Biblia en Quechua de Ayacucho 2012

⁹ Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Quechua Ayacucho Bible 1987

⁹ Hinaptinmi angelñataq niwarqa: —Qellqay kayta: “Mayna kusisqam *f**Carneropa casarakuyninman qayasqakunaqa” nispa. Angelqa niwarqataqmi: —Kaykunaqa Diospa cheqap rimarisqankunam —nispa.

Chuya Qellqa 1992

⁹ Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 19:9 Iomraidhean Croise

Isaías 8:1

Tayta Diosmi niwarqa: Runakuna leenanpaq hina hatun letrakunawan tablapi qellqay “Maher-salal-hasbaz” niqta.

Habacuc 2:2

Chaymi Tayta Dios niwarqa: Visionpi rikusqaykita tablapi qellqay, chaynapi pipas chayta leeykuspanqa chaypunilla kallpananpaq.

Lucas 22:16

Nikichikmi: Manañam mastaqa mikusaqñachu Diospa munaychakuyninpi huktawan mikunanchikkama, nispa.

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

1~Timoteo 4:9

Kay palabraqa cheqapmi, chaymi lliw runakuna chaskinanku.

2~Timoteo 2:11

Kay palabraqa cheqapmi: Sichum paywan wañukusun, paywantaqmi kawsakusunpas,

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Apocalipsis 1:1

Diosmi kaykunata Jesucristoman qawachirqa imakunam pasakunanmanta serviqninkunaman willananpaq. Jesucristom kay revelasqanta angelninwan serviqnin Juanman willachirqa,

Apocalipsis 1:19

Chaynaqa, rikusqaykikunatayá qellqay, kunan kaqtapas chaynataq qepa punchawkunapi kaqkunatapas.

Apocalipsis 10:4

Chay qanchis rayokuna toqyaramuptinmi qellqanaypaqña kachkarqani, ichaqa hanaq pachamantam huk qapariyta uyarirqani: “Qanchisnintin rayokunapa nisqantaqa amaraqyá willakuychu nitaq qellqaychu”, niqta.

Apocalipsis 14:13

Hanaq pachamantam huk qayakuyta uyarirqani, chay qayakuymi nimuwarqa: “Kayta qellqay, mayna kusisqam kanqa kunanmanta ñawpaqman Diospi iñispa wañuqkunaqa”, nispa. Arí, Espiritupas nintaqmi: “Paykunaqa llamkasqankumantapas samanqakuñam, allinkuna ruwasqankum ichaqa paykunawan kuska kanqa”, nispa.

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Apocalipsis 2:1

Éfeso llaqtapi iglesiapa angelninman kaynata qellqay: Qanchis chaskakunata alleq makinpi hapiqmi hinaspa qorimanta qanchis candelabrokunapa chawpinpi puriqmi kaynata nin:

Apocalipsis 2:12

Pérgamo llaqtapi iglesiapa angelninman kaynata qellqay: Iskay filoyuq espadayuqmi kaynata nin:

Apocalipsis 2:18

Tiatira llaqtapi iglesiapa angelninman kaynata qellqay: Kancharichkaq nina hina ñawiyuq hinaspa lluchkayachisqa bronce hina chakiyuq Diospa Churinmi kaynata nin:

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin:

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 22:6

Angelñataqmi niwarqa: Kay nisqaykunaqa confiakunapaq hinaspa cheqappunim. Profetakunaman yachachiq Señor Diosmi angelninta kachamurqa imakunapas chaylla pasaqkunamanta serviqninkunaman qawachinanpaq.

Apocalipsis 3:1

Sardis llaqtapi iglesiapa angelninman kaynata qellqay: Diospa qanchis espirituntawan qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.

Apocalipsis 3:14

Laodicea llaqtapi iglesiapa angelninman kaynata qellqay: Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin:

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: