Apocalipsis 19:15 - CHUYA QELLQA La Biblia en Quechua de Ayacucho 2012

¹⁵ Paypa siminmantam lloqsimurqa ñawchi espada chaywan nacionkunata vencenanpaq. Payqa fierromanta varawanmi nacion-kunapi munaychakunqa. Hina kiki-llantaqmi uvastapas sarunqa “Tukuy Atiyniyuq Diospa piñakuynin” vinota ruwananpaq.

Quechua Ayacucho Bible 1987

¹⁵ Paypa siminmantam lloqsimurqa ñawchi espada chaywan nacionkunata vencenanpaq. Payqa nacionkunatam kamachinqa fierromanta tawnawan hina. Vinota rurananpaq uvasta saruchkaq hinam “Tukuy Atipayniyoq Diospa piñakuynin” sutiyoq vinota ruranqa.

Chuya Qellqa 1992

¹⁵ Paypa siminmantam lloqsimurqa ñawchi espada chaywan nacionkunata vencenanpaq. Payqa fierromanta varawanmi nacionkunapi munaychakunqa. Hina kikillantaqmi uvastapas sarunqa “Tukuy Atiyniyuq Diospa piñakuynin” vinota ruwananpaq.

Apocalipsis 19:15 Iomraidhean Croise

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Joel 3:13

Chaynaqa, rutunaykichikta hapispa rutuychik, rutuy tiempom chayaramun; uraykamuychik, uvas saruna uchkukunam huntarun, vino chaskina baldekunam huntarun; llumpaymi llapa mana allin ruwayninkuqa.

Malaquías 4:6

Paymi tayta-mamakunata wawa-churinkuwan allinyanachinqa, mana chayqa ñoqa hamuruspaymi kay pachata pasaypaqta puchukarachisaq, nispa.

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

Apocalipsis 1:16

Alleqnin lawpim kasqa qanchis chaskakuna, siminmantañataqmi lloqsirqa iskay lawnin filoyuq ñawchi espada, uyanpas kasqa chawpi punchawpi intipa kanchaynin hinaraqmi.

Apocalipsis 12:5

Chay warmiqa qari wawatam wachakururqa, paymi fierro tawnawan hina hatun atiyninwan llapallan nacionkunata kamachinqa. Chay wawata qechuruspankum Diospa hinaspa trononpa qayllanman aparurqaku.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.

Apocalipsis 19:21

Wakiqninkuñataqmi caballopi silla-kuqpa siminmanta lloqsimuq espadawan wañuchisqa karqaku, hinaptinmi alton pawaq llapallan animalkuna saksarurqaku paykunapa aychankuwan.

Apocalipsis 2:12

Pérgamo llaqtapi iglesiapa angelninman kaynata qellqay: Iskay filoyuq espadayuqmi kaynata nin:

Apocalipsis 2:16

Chaynaqa, huchaykimantayá wanakuy, mana wanakuptikiqa chaylla qanman hamuruspaymi simiymanta lloqsimuq espadawan paykunapa contranpi peleasaq.

Apocalipsis 2:27

imaynam Taytay ñoqamanpas atiyta qowarqa, chaynam paykunapas fierro tawnawan nacionkunapi munaychakunqaku, allpa mankata pakipachkaq hinam pakipanqaku,