Apocalipsis 19:10 - CHUYA QELLQA La Biblia en Quechua de Ayacucho 2012

¹⁰ Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.

Quechua Ayacucho Bible 1987

¹⁰ Adoranaypaq *f**angelpa qayllanman qonqorakuykuptiymi payñataq niwarqa: —Ama qonqorakuychu ñoqaqa qampapas chaynataq Jesusmanta willakuq wawqe-panikikunapapas Diosta serviqmasillanmi kani. Adoraspaqa-adoray Diosllatayá. Jesusmanta cheqap willakuqqa Diospa revelasqantam yachachin —nispa.

Chuya Qellqa 1992

¹⁰ Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.

Apocalipsis 19:10 Iomraidhean Croise

2~Reyes 17:36

Ñoqa Tayta Diosllatam yupaychawankichik, qamkunataqa hatun atiyniywanmi Egipto nacionmanta hurqomurqaykichik. Ñoqallata kasuwaspam yupaychawan-kichik hinaspam sacrificiokunata ofrecewankichik.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Daniel 2:46

Chayta rey Nabucodonosor uya-riykuspanmi, Danielpa ñawpaqninpi pampakama kumuykuspan kamachirqa Danielman ofrendakunata ofrecenankupaq chaynataq inciensotapas qontichipunankupaq.

Daniel 7:10

Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Marcos 5:22

Chayllamanmi sinagogapi kamachikuq Jairo hamuruspan Jesuspa ñawpaqninpi qonqorakuykurqa.

Marcos 7:25

Chaypi kachkaptinmi, mana allin espiritupa huntasqan sipaspa maman yacharurqa, chaymi hamuruspan Jesuspa ñawpaqninpi qonqorakuykurqa.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

Hechos 13:27

Jerusalenpi yachaqkunam llapa kamachiqninkunapiwan, Jesús pim kasqanta mana yachasqankurayku wañunanpaq sentenciarurqaku, chaynapim profetakunapa nisqankuna cumplikurqa. Sapa samana punchawpi leechkaspankupas manam entienderqakuchu.

2~Corintios 8:7

Qamkunaqa lliwpim masyankichik: Iñiypi, yachachiypi, yachayniyuq kaypi, allin ruwaypi hinaspa ñoqayku kuyawaykupipas, chaynaqa kuyakuy ofrenda qoypipas masyaychikyá.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Efesios 5:33

Chaynaqa, kikikichikta hinayá warmikichiktapas sapakama kuyaychik, warmiñataqyá qosanta kasukuchun.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

1~Juan 5:10

Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

1~Juan 5:21

Churillaykuna, idolokunamantaqa karun-chakuychikyá. Amén.

Apocalipsis 1:1

Diosmi kaykunata Jesucristoman qawachirqa imakunam pasakunanmanta serviqninkunaman willananpaq. Jesucristom kay revelasqanta angelninwan serviqnin Juanman willachirqa,

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.

Apocalipsis 12:11

Wawqe-paninchikkunaqa Corderopa yawarninwanmi hinaspa willakusqanku palabrawanmi vencerqaku, paykunaqa manam wañuytapas manchakurqakuchu.

Apocalipsis 12:17

Hinaptinmi Dragonqa warmipa contranpi piñakururqa, hinaspam chay warmipa mirayninpa contranpi peleaq pasarqa, chay miraykunaqa Diospa kamachikuynin kasukuqkunam hinaspa Jesuspi iñiqkunam karqaku.

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku: