Apocalipsis 18:3 - CHUYA QELLQA La Biblia en Quechua de Ayacucho 2012

³ Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.

Quechua Ayacucho Bible 1987

³ Llapallan nacionkunam vino upyachkaq hina huchapakuyninwan sinkarurqa. Kay pachapi reykunam paywan kakurqa. Kay pachapi negociantekunapas kusikusqankuwanmi apuyarurqa.

Chuya Qellqa 1992

³ Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku.

Apocalipsis 18:3 Iomraidhean Croise

Isaías 47:15

Chaynam kanqa layqaykikunaqa, warma kasqaykimantaraq layqapusuqnikikunaqa. Sapakamam paykunaqa pantay ñanninkuta pasakunqaku, manam pipas salvayta atisunkichu.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Jeremías 51:7

Babilonia nacionqa qorimanta vaso hinam makiypi karqa, llapallan nacionkunatam sinkachirqa. Llapa nacionkunam chay vasomanta upyaspanku muspaypi hinaña karqaku.

Lamentaciones 4:5

Allinllanta mikukuq runakunam callekunapi wañunayachkanku; allin pachakunallawan pachakuqkunam wanu wischunapiña chutarayachkanku.

Nahúm 3:4

Chaykunam pasakuchkan, kuyakuq tukuq chuchumika warmikunapa llumpa-llumpay qanrakuyninkurayku. Paykunam sumaqllata engañaspanku, qanrakuyninkuwan nacionkunata tuñichirqaku, layqa kayninkuwanñataqmi runakunata wichichirqaku, nispa.

Lucas 7:25

¿Pi qawaqtaq rirqankichik? ¿Allin pachawan pachasqa runata qawaqchu? Allin pachawan churakuq runakunaqa fiestakunapi hinaspa reykunapa palacionpim kachkanku.

1~Timoteo 5:11

Kallpanpiraq kaq viudakunataqa amaraq listamanqa churaychu. Pay-kunaqa Jesucristoman promete-kusqankuta qonqaruspankum huktawan casarakuyta munanmanku,

Apocalipsis 14:8

Iskay kaq angelñataqmi nirqa: “¡Tuñirunñam, tuñirunñam Babilonia hatun llaqtaqa! Chay llaqtam vino upyachichkaq hina llapa runakunaman huchapakuyninta upyachirqa”, nispa.

Apocalipsis 17:2

Paywanmi kay pachapi reykuna huchapakurqaku, kay pachapi yachaq runakunapas vinowan sinkachkaq hinam chay chuchumikawan huchapakurqaku, nispa.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!

Apocalipsis 18:23

Mecheropas manañam achkinqañachu, casarakuykunapi kusikuypas manañam kanqañachu, chaypi negociantekunam kay pachapi munayniyuq karqaku, layqaspam llapallan nacionkunata engañarqaku.

Apocalipsis 18:7

Imaynam payqa hatunchakuspan kusikuyllapi karqa, chayman hina waqaytawan sasachakuyta qoychik, payqa sonqonpim nichkan: “Ñoqaqa reina hinañam tiyachkani, ñoqaqa manam viudachu kani, ñoqaqa manañam waqasaqñachu”, nispa.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.