Apocalipsis 18:22 - CHUYA QELLQA La Biblia en Quechua de Ayacucho 2012

²² Chaypiqa arpakunapa, qenakunapa, trompetakunapa waqayninpas manañam uyarikunqañachu. Tukuy imapi llamkaqkunapas manañam llamkanqakuñachu, molino rumipa tunrunyayninpas manañam uyarikunqañachu.

Quechua Ayacucho Bible 1987

²² Manañam chaypiqa uyarikunqachu arpakuna, qenakuna hinaspa cornetillakuna tocasqankupas. Manam llamkanqañachu tukuy imapi llamkaqkunapas. Manañataqmi qaparinqachu molino rumipas.

Chuya Qellqa 1992

²² Chaypiqa arpakunapa, qenakunapa, trompetakunapa waqayninpas manañam uyarikunqañachu. Tukuy imapi llamkaqkunapas manañam llamkanqakuñachu, molino rumipa tunrunyayninpas manañam uyarikunqañachu.

Apocalipsis 18:22 Iomraidhean Croise

Jobwan Sutichasqa Libro 3:7

¡Ima allincha kanman karqa chay tutapi mana pipas wiksayakuptinqa, kusikuymanta mana pipas chay tutapi qapariptinqa!

Eclesiastés 12:4

Chay punchawpiqa hawa lawman qawaq punkukunapas wichqakurunqam, molinopa punrunyayninpas upallarunqam, urpikunapas manam takinqañachu, takikunapas manam uyarikunqañachu.

Isaías 23:12

Sidón llaqtatam nirqa: Abusasqa sipas, fiestakunallapi kakuyta saqeyña. Chipre lawmanña ripuspapas, manam chaypipas hawkaqa kankichu.

Jeremías 16:9

Ñoqa Israelpa yupaychasqan Tukuy Atiyniyuq Tayta Diosmi kaynata nini: Kay llaqtapim takiyninkuta, kusikuyninkuta, casarakuy fiestapi takinkuta qayllankumanta qollurachisaq. Chaykuna ruwasqaytaqa ñawikichikwanmi rikunkichik.

Jeremías 25:10

Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Ezequiel 26:13

Suma-sumaq takikikunatapas qollurachisaqmi, arpaykikunapa waqayninpas manam uyarikunqañachu.

Mateo 9:23

Chay kamachikuqpa wasinman Jesús chayaruspanmi, qena tocaqkunatawan llapa runakunata chaqwakuchkaqta tariykurqa.