Apocalipsis 18:15 - CHUYA QELLQA La Biblia en Quechua de Ayacucho 2012

¹⁵ Chaykunawan negocio ruwaqkunapas hinaspa chay llaqtapi kaqkunaman rantikuspa apuyaruqkunapas, chay llaqta castigasqa kasqanta manchakuspankum karullapi sayaspa llakikuymanta

Quechua Ayacucho Bible 1987

¹⁵ Chaykunawan negocio ruraqkunapas hinaspa chay llaqtapi kaqkunaman *f**rantikuspa apuyaruqkunapas waqayllawanñam karullapi sayanku castigota manchakuspanku,

Chuya Qellqa 1992

¹⁵ Chaykunawan negocio ruwaqkunapas hinaspa chay llaqtapi kaqkunaman rantikuspa apuyaruqkunapas, chay llaqta castigasqa kasqanta manchakuspankum karullapi sayaspa llakikuymanta

Apocalipsis 18:15 Iomraidhean Croise

Ezequiel 27:31

Umankutapas kachiy-kachiytam rutukunqaku, qachqa pachawan churakuspam qaparkachanqaku, qamraykum sonqonkupas nanasqa waqanqaku.

Zacarías 11:5

Chay ovejakunataqa rantiqninkunapas mana llakipayarispam wañuchinku, hinaptinmi rantikuqninkunapas kaynataraq ninku: “Tayta Diosyá yupaychasqa kachun, llumpaytañam apuyaruni” nisparaq. Michiqninkupas chay ovejakunamantaqa manam llakipayarikunchu, nispa.

Marcos 11:17

Chaypim Jesús kaynata yachachirqa: ¿Manachu Qellqapi nichkan: “Wasiyqa llapallan nacionkunapaqmi mañakuwananku wasiwan sutichasqa kanqa”, nispa? Qamkunam ichaqa suwakunapa machayninta hinaña ruwarunkichik.

Hechos 16:19

Sipaspa patronninkunañataqmi, chay adivinaq espíritu paymanta chinkaruptin, manaña paywan qollqe gananankupaq kaptin, Pablotawan Silasta hapiruspanku autoridadkunapa kanan plazaman aparqaku.

Apocalipsis 18:12

Paykunam rantikuqku: Qorita, qollqeta, alhaja rumikunata, perlaskunata, linomanta fino telakunata, grosella telakunata, puka telakunata, sedakunata hinaspa miski asnaq sachakunata. Rantikuqkutaqmi marfilmanta, sumaq kullumanta, broncemanta, fierromanta hinaspa marmolmanta sumaq tukuy rikchaq ruwasqa serviciokunatapas.

Apocalipsis 18:13

Chaynataqmi rantikuqku: Canelata, miski asnaq especeriakunata, inciensota, mirrata, perfumeta, vinota, aceiteta, fino harinata, trigota; carga animalkunata, ovejakunata, caballokunata, carretakunata hinaspa esclavo runakunata.

Apocalipsis 18:14

Chay llaqtatam ninqaku: ¡Llumpay munasqayki miskillaña frutaykikunapas manañam kanñachu, llumpay apu kaynikikunawan sumaqllaña kaqnikikunapas chinkarunñam! nispanku.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.