Apocalipsis 18:10 - CHUYA QELLQA La Biblia en Quechua de Ayacucho 2012

¹⁰ Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Quechua Ayacucho Bible 1987

¹⁰ Castigota manchakuspankum karullamanta *f**nichkanku: ¡Ay, ay, imaynaraq kanki, Babilonia hatu-hatun llaqta! Huk ratollapim chayaramun castigoykiqa atiyniyoq llaqta.

Chuya Qellqa 1992

¹⁰ Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Apocalipsis 18:10 Iomraidhean Croise

Isaías 21:9

Waqaya caballokunapa aysasqan carretapi runakuna hamuchkan. ¡Babilonia naciontam vencerunku, idolonkunapas pampakunapiñam ñutupasqa wischurayachkan! nistin.

Isaías 47:9

Layqaña kaptikipas, qatipaqña kaptikipas, qonqaytam huk punchawllapi kay iskay llaki chayamusunki: Viudayaspam mana wawayuqña rikurirunki.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Ezequiel 32:9

Qamta puchukarachisqayta uyarispankum huklaw nacionniyuq runakunapas hukmanyanqaku, mana reqsisqayki nacionniyuqkunapas llumpaytam hukmanyarunqaku.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Números 16:34

Allpa ukuman wichiqkunapa qapariyninta uyarispankum, chay muyuriqpi tarikuq Israel mirayninkuna ayqespa nirqaku: Yanqañataq ñoqanchiktapas allpa millpuruwachwanchik, nispanku.

Apocalipsis 11:8

Ayankupas hatun llaqtapa plazanpim chutarayanqa. Chay llaqtatam tupachinku Sodomawan hinaspa Egiptowan, chaypim Señorninchikpas chakatasqa karqa.

Apocalipsis 14:8

Iskay kaq angelñataqmi nirqa: “¡Tuñirunñam, tuñirunñam Babilonia hatun llaqtaqa! Chay llaqtam vino upyachichkaq hina llapa runakunaman huchapakuyninta upyachirqa”, nispa.

Apocalipsis 16:19

Hinaptinmi chay hatun llaqta kimsaman chitqakururqa, tuñirurqataqmi kay pachapi llaqtakunapas. Diosmi yuyarirurqa hatu-hatun Babilonia llaqtamanta vino upyachichkaq hina piñakuyninwan castigananta.

Apocalipsis 17:12

Chay chunka waqrakuna rikusqay-kiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.

Apocalipsis 18:18

Llaqtapa qosnisqanta qawaykuspankum qayaykachakurqaku: ¿Mayqan llaqtataq kay hatu-hatun llaqta hinaqa karqa? nispanku.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!

Apocalipsis 18:21

Hinaptinmi huk kallpasapa ángel hatun molino rumita hoqariykuspan lamar qochaman chamqaykurqa hinaspam nirqa: Chayna wischusqam kanqa hatu-hatun Babilonia llaqtaqa, chay llaqtaqa manañam rikurinqañachu.

Apocalipsis 18:8

Chayraykum huk punchawllapi kay sasachakuykuna hamunqa: Wañuywan, waqay hinaspa yarqaypas. Chay llaqtaqa kañasqam kanqa, Señor Diosqa Tukuy Atiyniyuqmi, paymi juzganqa.