Apocalipsis 17:4 - CHUYA QELLQA La Biblia en Quechua de Ayacucho 2012

⁴ Chay warmiqa kachkasqa grosella puka pachawan pachasqam chaynataq qoriwan, alhaja rumikunawan hinaspa perlaskunawan adornasqam. Makinpiñataqmi kasqa qorimanta copa, chay copaqa kasqa cheqnikuywan hinaspa millakuypaq huchapakuyninwan huntasqam.

Quechua Ayacucho Bible 1987

⁴ Chay warmiqa kachkasqa grosella puka pachawan pachasqam, adornonñataqmi kasqa qoriwan alhaja rumikuna hinaspa perlaskuna. Paymi hapiykurqa qorimanta copata, chay copaqa kasqa cheqnikuywan hinaspa millakuypaq huchapakuyninwan huntasqam.

Chuya Qellqa 1992

⁴ Chay warmiqa kachkasqa grosella puka pachawan pachasqam chaynataq qoriwan, alhaja rumikunawan hinaspa perlaskunawan adornasqam. Makinpiñataqmi kasqa qorimanta copa, chay copaqa kasqa cheqnikuywan hinaspa millakuypaq huchapakuyninwan huntasqam.

Apocalipsis 17:4 Iomraidhean Croise

1~Reyes 14:24

Chay nacionpiqa qarikunapas qarimasillanwan qachakuspankum tukuy rikchaq idolokunataña yupaycharqaku, hinaspam ruwarqaku Israelpa mirayninkunapa qayllanmanta Tayta Diospa qarqosqan runakunapa millakuypaq huchankunataña.

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

Esdras 9:11

Profetaykikunawanmi kaynata nichiwarqankiku: “Munaychakunaykichikpaq yaykusqaykichik allpaqa, chaypi yachaq runakunapa qachachasqanmi kachkan, paykunaqa millakuypaq ruwasqankuwanmi kuchun-kuchun qachacharunku.

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Jeremías 51:7

Babilonia nacionqa qorimanta vaso hinam makiypi karqa, llapallan nacionkunatam sinkachirqa. Llapa nacionkunam chay vasomanta upyaspanku muspaypi hinaña karqaku.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Ezequiel 20:30

Ñoqa Tayta Diospa nisqayta Israelpa mirayninkunaman kaynata niy: ¿Imanasqataq taytaykichikkuna hina qachachakuyta munankichik? ¿Imanasqataq millakuypaq idolokunata yupaychaspa qepanchawankichik?

Ezequiel 24:11

Chay mana imayuq cobre mankata huktawan sansaman tiyachiy, chay manka pukay-pukay kanankama, ukunpi qachankunapas chinkanankama, akarusqanpas chinkanankama.

Ezequiel 24:13

Jerusalén llaqta, munasqaykipi purispa qachachakusqaykitam mayllaykuyta munarqayki, qanmi ichaqa mayllachikuyta mana munarqankichu. Mayllasqaqa kanki sinchi piñakuyniyta qanman kachaykamuptiyñam.

Ezequiel 28:13

Qamqa Edén lawpi Diospa huertanpim karqanki, tukuy rikchaq alhaja rumikunawan pachasqam karqanki: Cornerinawan, topaciowan, jaspewan, crisolitowan, berilowan, onicewan, zafirowan, carbunclowan, esmeraldawan hinaspa qoriwan. Tukuy kaykunaqa unanchasqa kasqayki punchawmantaraqmi alistasqaña karqa.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Daniel 11:38

Ichaqa murallasqa llaqtakunata waqaychaq diostam yupaychanqa, chay diostaqa ñawpaq taytankunapas manam reqsirqachu. Chay diostam qori-qollqewan, sumaq alhaja rumikunawan hinaspa ancha valorniyuq kaqkunawan yupaychanqa.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Deuteronomio 29:17

Rikumurqanchikmi chay nacionkunapa yupaychasqanku kullumanta, rumimanta, qollqemanta, qorimanta millakuypaq idolokunatapas.

Apocalipsis 14:8

Iskay kaq angelñataqmi nirqa: “¡Tuñirunñam, tuñirunñam Babilonia hatun llaqtaqa! Chay llaqtam vino upyachichkaq hina llapa runakunaman huchapakuyninta upyachirqa”, nispa.

Apocalipsis 18:12

Paykunam rantikuqku: Qorita, qollqeta, alhaja rumikunata, perlaskunata, linomanta fino telakunata, grosella telakunata, puka telakunata, sedakunata hinaspa miski asnaq sachakunata. Rantikuqkutaqmi marfilmanta, sumaq kullumanta, broncemanta, fierromanta hinaspa marmolmanta sumaq tukuy rikchaq ruwasqa serviciokunatapas.

Apocalipsis 18:16

waqaspanku kaynata nirqaku: “¡Ay, ay, imaynaraq kanqa kay hatu-hatun llaqtaqa! Payqa warmi hina suma-sumaq lino pachawan pachasqam karqa, payqa grosellawan, puka pachawan pachasqam karqa, payqa qoriwan, alhaja rumikunawan hinaspa perlaskunawan adornasqam karqa.

Apocalipsis 19:2

Diosqa cheqapwanmi mana pimanpas sayapakuspa juzganqa, llumpay huchallikuq chuchumikatam castigarqa, chay warmiqa huchapakuyninwanmi kay pachata qanracharurqa, Dios serviqkuna wañuchisqanmantam chay warmitaqa vengakurun, niqta.

Apocalipsis 21:21

Chunka iskayniyuq punkukunaqa kasqa chunka iskayniyuq perlaskunam; sapa punkukunaqa huk perlasllamanta ruwasqam kasqa. Llaqtapa callenñataqmi kasqa qori-puromanta cristal hina kanchariq.

Apocalipsis 9:21

Chay runakunaqa mana-taqmi wanakurqakuchu runakuna wañuchisqankumantapas, layqa ruwas-qankumantapas, hukwan-hukwan pierdekusqankumantapas nitaq suwa-kusqankumantapas.