Apocalipsis 17:3 - CHUYA QELLQA La Biblia en Quechua de Ayacucho 2012

³ Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.

Quechua Ayacucho Bible 1987

³ Espiritupa yanapakuyninwan purunman angel aparuwaptinmi rikurqani huk warmita, payqa sillarayachkasqa Dios kamiq letrerokunawan churasqa qanchis umayoq hinaspa chunka waqrayoq manchakuypaq puka animalpim.

Chuya Qellqa 1992

³ Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.

Apocalipsis 17:3 Iomraidhean Croise

1~Reyes 18:12

Reyman willaq rinaykamachá hu-klawman Tayta Diospa Espiritun aparu-sunki, hinaptinchá Acabman willaykuptiy pasamuspa mana tarisuspayki wañu-rachiwanqa. Ñoqaqa joven kasqaymantapunim Tayta Diosta kasukuni.

2~Reyes 2:16

Hinaspam nirqaku: Kaypim ñoqaykuwan kachkan pichqa chunka allinnin qari-qari runakuna. Paykunayá rispanku servisqayki Eliasta maskaramuchunku, ichapas Tayta Diospa espiritun hoqariruspan chay-chay orqopi otaq qechwapi saqerun, nispanku. Hinaptinmi Eliseo nirqa: Ama kachaychikchu, nispa.

Cantares 8:5

¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Ezequiel 11:24

Chaymantam Diospa Espiritunñataq chay visionpi hoqariruwaspan Babilonia nacionman kutirachiwarqa, preso apasqakunapa kasqanman. Chaynatam Tayta Diospa visión qawachiwasqan chinkarurqa.

Ezequiel 3:12

Chaymantam Diospa Espiritun hoqariruwaptin hatun qapariytauyarirqani kayna niqta: ¡Maymi yachasqanpiyá Tayta Dios hatunchasqa kachun! niqta.

Ezequiel 8:3

Chay runaman rikchakuqmi makita hina haywarimuspa chukchaymanta hapiruwarqa, hinaptinmi Diospa Espiritun altoman hoqariruwarqa, hinaspam visionpi Jerusalén llaqtaman aparuwaspan uku lawpi norteman qawaq punkupa ñawpaqninpi churaykuwarqa, chaypim Tayta Diosta piñachiq ídolo kachkasqa.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 7:20

Yachaykuytataqmi munarqani chay chunkantin waqrakunamantapas, ñawiyuq hinaspa hatun tukuspa rimaq simiyuq taksa waqrachamantapas. Chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa rikchakapuwarqa wakin waqrakunamantapas aswan hatunmi.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Daniel 7:8

Chay waqrakunata qawachkaptiymi, chawpinkumanta taksa waqracha wiñaramurqa, chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa kasqa runapa ñawin ñawiyuqmi, kasqataqmi siminpas, chaymi hatun tukuspa rimarqa.

Mateo 27:28

Chaypim pachanta llatanaruspanku puka capawan hinara-chirqaku.

Hechos 8:39

Yakumanta lloqsiramuptinkuñataqmi Felipeta Señorpa Espiritun huklawman aparurqa. Hinaptinmi chay eunucoqa manaña Felipeta rikurqachu, ichaqa kusisqallañam ripukurqa.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

Apocalipsis 1:10

Señorpa punchawninpi, Chuya Espiritupa atiyninwan kachkaspaymi, qepaypi trompetapa nisyu qapariyninta hina uyarirqani

Apocalipsis 12:14

Hinaptinmi warmiman qoykurqaku ankapa rapranta hina iskay raprakunata, chaytaqa qoykurqaku maqta urupa qayllanmanta maymi kasqan chunniqman pawarikunanpaqmi, chaynapi kimsa wata parten chaypi uywasqa kananpaq.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 12:6

Warmiñataqmi Diospa alistapusqan chunniqman ayqekurqa, chaypi waranqa iskay pachak soqta chunka punchaw uywasqa kamunanpaq.

Apocalipsis 17:18

Chay rikusqayki warmiqa kay pachapi reykuna kamachiq hatu-hatun llaqtam, nispa.

Apocalipsis 17:4

Chay warmiqa kachkasqa grosella puka pachawan pachasqam chaynataq qoriwan, alhaja rumikunawan hinaspa perlaskunawan adornasqam. Makinpiñataqmi kasqa qorimanta copa, chay copaqa kasqa cheqnikuywan hinaspa millakuypaq huchapakuyninwan huntasqam.

Apocalipsis 18:12

Paykunam rantikuqku: Qorita, qollqeta, alhaja rumikunata, perlaskunata, linomanta fino telakunata, grosella telakunata, puka telakunata, sedakunata hinaspa miski asnaq sachakunata. Rantikuqkutaqmi marfilmanta, sumaq kullumanta, broncemanta, fierromanta hinaspa marmolmanta sumaq tukuy rikchaq ruwasqa serviciokunatapas.

Apocalipsis 18:16

waqaspanku kaynata nirqaku: “¡Ay, ay, imaynaraq kanqa kay hatu-hatun llaqtaqa! Payqa warmi hina suma-sumaq lino pachawan pachasqam karqa, payqa grosellawan, puka pachawan pachasqam karqa, payqa qoriwan, alhaja rumikunawan hinaspa perlaskunawan adornasqam karqa.

Apocalipsis 21:10

Chuya Espiritum hatun alto orqoman aparuwarqa, hinaspam Jerusalén chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.

Apocalipsis 4:2

Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.