Apocalipsis 17:17 - CHUYA QELLQA La Biblia en Quechua de Ayacucho 2012

¹⁷ Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Quechua Ayacucho Bible 1987

¹⁷ Diosmi churarqa paykunapa sonqonman kikinpa munasqanta ruranankupaq. Reykunam huklla kaspanku animalman qoykurqaku munayninkuta, chaynataqa rurarqaku Diospa munasqan cumplikunankamam.

Chuya Qellqa 1992

¹⁷ Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Apocalipsis 17:17 Iomraidhean Croise

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Isaías 45:17

Tayta Diosmi ichaqa Israel llaqtanta wiñaypaq salvanqa, manañam penqaypaqñachu kankichik, nitaqmi pipas usuchisunkichikñachu.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Daniel 12:7

Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaq-tanpa atiyninpa tuñichisqa kaynin tukuruptinñam, nispa.

Lucas 22:22

Runapa Churinqa Diospa nisqanman hinam wañunqa, ichaqa ¡ay, imaynaraq kanqa traicionawaqniy runaqa! nispa.

Lucas 22:3

Chunka iskayniyuq discipulonkunapa hukninmi karqa Iscariotewan sutichas-qanku Judas, paymanmi Satanás yaykururqa,

Lucas 22:37

Nikichikmi, Qellqapa nisqanmi ñoqapi cumplikunan, chaypim nin: “Mana allin runakunawan yupasqam karqa”, nispa. Ñoqamanta qellqasqa kaqkunaqa cumplikunanpunim, nispa.

Juan 10:35

Manam negachwanchu Qellqapa nisqantaqa. Diosqa suticharqa dioskunawanqa willakusqankuna chaskiqkunatam.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.

Juan 13:2

Jesusmi discipulonkunawan cenachkarqa, diabloqa Simonpa churin Judas Iscariotetam umacharurqaña Jesusta traicionananpaq.

Juan 19:24

Soldadokunam ninakurqaku: Ama llikispalla sortearusunchik mayqanninchikpaqpas kananpaq, nispanku. Chaynapim Qellqapa kayna nisqan cumplikurqa: “Pachaykunatam rakinakurqaku, pachaypaqmi suertetaraq choqarqaku”, nispa. Chaynatam soldadokuna ruwarqaku.

Juan 19:28

Kaykuna pasakuptinqa Jesusqa yacharqañam tukuy imapas cumplikusqanta, chaymi Qellqapa nisqan cumplikunanpaq nirqa: Yakunayaruwanmi, nispa.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

Apocalipsis 10:7

aswanqa qanchis kaq angelpa trompeta tocanan tiempo chayaramuptinmi Diospa pakasqa kaqninkuna cumplikunqa, chaynaqa kanqa imaynam serviqnin profetankunapa nisqankuman hinam, nispa.

Apocalipsis 15:1

Hanaq pachapim ancha admirakuypaq señalta rikurqani: Qanchis angelkunam kachkasqa qanchis qepa kaq ñakariykuna hapirisqakama, chay ñariykunawanmi Diospa piñakuynin tukururqa.

Apocalipsis 17:13

Chay chunkantin reykunam huk sonqolla kachkanku atiyninkutawan munayninkuta manchakuypaq animalman qonankupaq.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 6:11

Hinaptinmi sapakamaman yuraq pachata qoykuspan nirqa: Pisi tiempollatañayá suyaykuychik, iñiqmasikichikkuna qamkuna hina wañuchisqa kaspa completakunankama, nispa.