Apocalipsis 17:15 - CHUYA QELLQA La Biblia en Quechua de Ayacucho 2012

¹⁵ Angelqa niwarqataqmi: Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam.

Quechua Ayacucho Bible 1987

¹⁵ Angelqa niwarqataqmi: —Chuchumikapa tiyasqan achka yakukunaqa llaqtakunam, runakunam, nacionkunam hinaspa tukuy rikchaq rimayniyoqkunam.

Chuya Qellqa 1992

¹⁵ Angelqa niwarqataqmi: Chuchumikapa tiyasqan achka yakukuna rikusqaykiqa, llaqtakunam, runakunam, nacionkunam hinaspa tukuy rikchaq rimayniyuqkunam.

Apocalipsis 17:15 Iomraidhean Croise

Jeremías 47:2

Norte lawmantam repunte lloqlla hamuchkan, llimparichkaq mayu hinam kallpamuchkan; naciontawan chaypi kaqkunatam pamparun, llaqtakunatawan runankunatam pamparun. Chay nacionpi yachaqkunam qaparinku, runakunam nanaywan qaparinku.

Jeremías 51:13

¡Yaw, Babilonia nación! Iskay hatun mayukunapa chawpinpim yachanki, tukuy imayuq apu-apum kankipas. Puchukanayki punchawmi chayaramunña, wañunayki punchawmi chayaramunña.

Jeremías 51:42

Lamar qocham Babiloniata pamparun, olankunam lloqsiramuspa pamparun.

Jeremías 51:55

Tayta Diosmi Babiloniata tuñichichkan, ancha qapariynintam upallachichkan. Enemigonkunam achka yakupa olankuna hinaraq qaparichkanku, lamar qocha hinaraqmi qaparichkanku.

Ezequiel 31:4

Para yakum chay sachata wiñachirqa, allpa ukupi yakukunam hatunyachirqa, mayunkunapas sapinpa muyuriqnintam kallparqa, yakunkunapas chay allpapi sachakunatam parqorqa.

Apocalipsis 10:11

Chaymantam niwarqa: Huktawanmi profetizamunki achka llaqtakunamanta, nacionkunamanta, tukuy rikchaq rimayniyuqkunamanta hinaspa reykunamanta, nispa.

Apocalipsis 11:9

Kimsa punchaw partenpunim llapa runakuna, tukuy rikchaq ayllukunamanta, tukuy rikchaq rimayniyuqkunamanta hinaspa llapa nacionkunamanta chay testigokunapa ayanta qawanqaku, hinaspam pampanankutapas mana munanqakuchu.

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.