Apocalipsis 17:12 - CHUYA QELLQA La Biblia en Quechua de Ayacucho 2012

¹² Chay chunka waqrakuna rikusqay-kiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.

Quechua Ayacucho Bible 1987

¹² —Chay chunka waqrakuna rikusqaykiqa manaraq kamachikuy qallariq chunka reykunam. Paykunam nombrasqa kanqaku Manchakuypaq Animalwan kuska huk horalla gobiernanankupaq.

Chuya Qellqa 1992

¹² Chay chunka waqrakuna rikusqaykiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.

Apocalipsis 17:12 Iomraidhean Croise

Daniel 7:20

Yachaykuytataqmi munarqani chay chunkantin waqrakunamantapas, ñawiyuq hinaspa hatun tukuspa rimaq simiyuq taksa waqrachamantapas. Chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa rikchakapuwarqa wakin waqrakunamantapas aswan hatunmi.

Daniel 7:24

Chay chunka waqrankunaqa munaychakuymanta chunka hatarimuq reykunam. Chay reykunapa qepantañataqmi pasaypaq hukman rikchayniyuq rey hatarimunqa, hinaspam kimsa reykunata tuñichinqa.

Apocalipsis 10:11

Chaymantam niwarqa: Huktawanmi profetizamunki achka llaqtakunamanta, nacionkunamanta, tukuy rikchaq rimayniyuqkunamanta hinaspa reykunamanta, nispa.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 17:16

Mancha-kuypaq animalpi chunka waqrakuna rikusqaykiqa chunka reykunam, paykunaqa manchakuypaq animalpiwanmi chuchumikata cheqninqaku, hinaspam wischurayachkaqta qalallata saqerunqaku. Aychanta mikuruspankum kañaykunqaku.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Apocalipsis 18:17

¡Huk ñawi qemchiyllatam apu kayninpas chinkarurqa!” nispanku. Barcopi kaq llapallan capitankunapas, pasajerokunapas, marinerokunapas chaynataq barcopi llamkaqkunapas karullapim sayarurqaku.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!