Apocalipsis 16:7 - CHUYA QELLQA La Biblia en Quechua de Ayacucho 2012

⁷ Altarmanta lloqsimuq huk qayakuytam uyarirqani, chay qayakuymi kaynata nirqa: “Arí, Tukuy Atiyniyuq Señor Diosnilláy, qamqa allintapunim hinaspa cheqaptapunim juzganki”, nispa.

Quechua Ayacucho Bible 1987

⁷ Uyarirqanitaqmi *f**altarmanta kayna nimuqtapas: Arí, Tukuy Atipayniyoq Señor Diosnilláy, qamqariki allintapunim hinaspa cheqaptapunim juzganki.

Chuya Qellqa 1992

⁷ Altarmanta lloqsimuq huk qayakuytam uyarirqani, chay qayakuymi kaynata nirqa: “Arí, Tukuy Atiyniyuq Señor Diosnilláy, qamqa allintapunim hinaspa cheqaptapunim juzganki”, nispa.

Apocalipsis 16:7 Iomraidhean Croise

Isaías 6:6

Hinaptinmi huknin serafinqa, altar-manta nina sansata tenazawan hurqoramuspa ñoqapa lawman pawamurqa.

Ezequiel 10:2

Hinaptinmi linomanta pachayuq runata Tayta Dios kaynata nirqa: Wak querubinkunapa ukunpi kaq ruedakunapa chawpinman yaykuy hinaspa paykunapa chawpinpi kaq nina sansata hapispayki llaqtapa hawanman machqey, nispa. Chaymi chay runaqa qawachkaptiy yaykururqa.

Ezequiel 10:7

Hinaptinmi huknin querubín makinta haywarispan chawpinkumanta ninata hapiykuspan linomanta pachayuq runapa makinman hapiykachirqa; chay runañataqmi chaskiykuspan pasakurqa.

Apocalipsis 1:8

Tukuy Atiyniyuq Señor Diosmi nin: “Ñoqam kani Qallariypas Tukupaypas. Ñoqataqmi kani Ñawpaq kaqpas, Kunan kaqpas, Hamuq kaqpas”, nispa.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.

Apocalipsis 14:18

Altarmantapas huk angelmi lloqsiramurqa, payqa ninata kamachiqmi karqa, hinaspam ñawchi rutunayuq angelta qayarqa: “Ñawchi rutunaykiwan kay pachapi uvaskunata rutuy, ñam uvaskunaqa poqosqaña kachkan”, nispa.

Apocalipsis 19:2

Diosqa cheqapwanmi mana pimanpas sayapakuspa juzganqa, llumpay huchallikuq chuchumikatam castigarqa, chay warmiqa huchapakuyninwanmi kay pachata qanracharurqa, Dios serviqkuna wañuchisqanmantam chay warmitaqa vengakurun, niqta.

Apocalipsis 6:9

Pichqa kaq sellota Cordero kichaykuptinñataqmi altarpa sikinpi rikururqani Diospa palabranta willakusqankurayku wañuqkunapa almanta.