Apocalipsis 16:6 - CHUYA QELLQA La Biblia en Quechua de Ayacucho 2012

⁶ Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Quechua Ayacucho Bible 1987

⁶ Chay juzgasqayki runakunaqa qamllapaqña kawsaqkunatam wañuchirqaku. Qanmanta willakuqkunapa yawarnintam chaqchurqaku. Chayna rurasqankumantam paykunamanpas yawarta upyarachinki. Imam chaskinankutamá paykunamanqa qoykunki.

Chuya Qellqa 1992

⁶ Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Apocalipsis 16:6 Iomraidhean Croise

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

Éxodo 21:24

Runaqa paganqa ñawimantam ñawinwan, kirumantam kirunwan, makimantam makinwan, chakimantam chakinwan.

Éxodo 7:17

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 26:11

Chaymi sacerdotekunawan profetakuna, chay kamachikuqkunaman hinaspa lliw runakunaman nirqaku: Uyarisqaykichikpi hinapas, kay runaqa kay llaqtapa contranpim rimarun, chayraykum wañunanpaq sentenciasqa kanan, nispanku.

Jeremías 26:16

Hinaptinmi sacerdotekunatawan profetakunata, llapa kamachikuqkunawan runakuna nirqaku: Yupaychasqanchik Tayta Diospa sutinpim payqa rimapayawarqanchik, manam wañunanpaqqa sentenciachwanchu, nispanku.

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Ezequiel 32:6

Pampakunatapas yawarnikiwanmi parqosaq, chay yawarmi orqokunakamaraq chayanqa, mayukunapas yawarnikiwanmi huntaykunqa.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Lucas 12:48

Sichum patronninpa imam munasqanta mana yachasqanrayku imapipas faltakuruq sirvienteqa pisilla castigasqam kanqa. Achkanpi chaskiqtaqa achkanpitaqmi mañanqapas. Achkanpi confiasqa runamantapas achkanpitaqmi mañanqa.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Apocalipsis 11:18

Nacionkunam piñakurun; castiganaykipaq punchawmi chayaramun. Wañuqkunata juzganayki punchawmi chayaramun, serviqniki profetaykikunaman paganayki punchawmi chayaramun, chuya llaqtaykimanwan sutiki kasukuqkunaman paganayki punchawmi chayaramun, taksamanpas hatunmanpas llapallanmanmi pagapunki, kay pacha tuñichiqkunatam chinkachinki, nispanku.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 13:15

Chay iskay kaq manchakuypaq animalmanmi atiy qosqa karqa, punta kaq manchakuypaq animalpa imagenninman kawsayta qospa rimachinanpaq hinaspa chay imagenta mana yupaychaqkunata wañuchinanpaq.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 18:24

Chay llaqtaqa huchayuqmi kachkan: Profetakunapa yawarnin chaqchusqanmanta, Diosllapaqña kawsaqkunapa yawarnin chaqchusqanmanta, kay pachapi llapallan wañuchisqakunapa yawarnin chaqchusqanmanta, nispa.

Apocalipsis 19:2

Diosqa cheqapwanmi mana pimanpas sayapakuspa juzganqa, llumpay huchallikuq chuchumikatam castigarqa, chay warmiqa huchapakuyninwanmi kay pachata qanracharurqa, Dios serviqkuna wañuchisqanmantam chay warmitaqa vengakurun, niqta.