Apocalipsis 16:21 - CHUYA QELLQA La Biblia en Quechua de Ayacucho 2012

²¹ Cielomantam llapa runakunapa hawanman tawa chunka kilo llasayniyuq runtu para chayamurqa, hinaptinmi runakunañataq Diosta kamirqaku, kamirqakuqa hatu-hatun castigo runtu para chayachimusqanmantam.

Quechua Ayacucho Bible 1987

²¹ Cielomantam chayamurqa tawa chunka kilo llasaq runtu para llapa runakunapa hawanman hinaptinmi runakunañataq Diosta kamirqaku, kamirqakuqa hatu-hatun castigo runtu para kacharimusqanmantam.

Chuya Qellqa 1992

²¹ Cielomantam llapa runakunapa hawanman tawa chunka kilo llasayniyuq runtu para chayamurqa, hinaptinmi runakunañataq Diosta kamirqaku, kamirqakuqa hatu-hatun castigo runtu para chayachimusqanmantam.

Apocalipsis 16:21 Iomraidhean Croise

Jobwan Sutichasqa Libro 38:22

¿Yaqachu ritikunapa kasqanman yaykurqanki? ¿Yaqachu runtu parapa taqerayasqanta rikurqanki?

Jobwan Sutichasqa Libro 38:23

Chaykunataqa ñakariy tiempokunapaqmi waqaychachkani, guerra tiempokunapaqmi waqaychachkani.

Éxodo 9:18

Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu.

Éxodo 9:22

Chaymantam Moisesta Tayta Dios nirqa: Makikita cieloman haywariy, chayna-pi Egipto runakunapa, animalkunapa hinaspa campopi lliw qorakunapa hawanman runtu para chayamunanpaq, nispa.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Isaías 8:21

Ñakarichisqa chaynataq yarqaymanta kaspankum runakuna kayman chayman purinqaku. Yarqayninkuraykum llumpayta piñakuspanku reyninkutawan Diosninkuta ñakanqaku, altokunatam piñasqallaña qawanqaku.

Ezequiel 13:11

Chaynaqa, chay kuyuchkaq perqata estucowan llusiqkunata kaynata nimuy: Chay perqaqa wichiykunqam, nisyu parawan, rumi hina wichimuq runtu parawan hinaspa kallpawan pukumuq wayrawan,

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Josué 10:11

Israelpa mirayninkunamanta amorreokuna Bet-horonpa uraynin waqtata ayqechkaptinkum Tayta Diosñataq cielomanta runtu parata hatun rumikunata hina chayachimurqa Azeca llaqtakama. Chay runtu parawan wañuchisqakunam aswan achka karqaku Israelpa mirayninkunapa espadanwan wañuqkunamantaqa.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 16:11

chaywanpas mana allin ruwayninkumantaqa manam wanakurqakuchu, paykunaqa aswanraqmi hanaq pachapi kaq Diosta kamirqaku, chaynataqa kamirqaku nanaywan kasqankuraykum hinaspa uta hina onqoyniyuq kasqankuraykum.

Apocalipsis 16:9

Chaymi llapallan runakuna kañasqa karqaku, ichaqa manam Diosmanpas kutirikurqakuchu nitaqmi yupaycharqakuchu, aswanraqmi paykunaqa kay castigokuna apachimuq Diostapas mana allinkunata rimaspanku kamirqaku.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.