Apocalipsis 16:2 - CHUYA QELLQA La Biblia en Quechua de Ayacucho 2012

² Punta kaq angelmi rispan copa apasqanta kay pachaman talliykurqa, hinaptinmi uta hina sinchi nanachikuqllaña onqoy hamururqa, haykam manchakuypaq animalpa marcan marcayuq hinaspa imagennin yupaychaq runakunaman.

Quechua Ayacucho Bible 1987

² Punta kaq angelmi kay pachaman talliykamurqa tazonninmanta. Hinaptinmi Manchakuypaq Animalpa marcan marcayoq hinaspa imagennin adoraq runakunapi rikurirurqa uta hina nanachikuqllaña onqoy.

Chuya Qellqa 1992

² Punta kaq angelmi rispan copa apasqanta kay pachaman talliykurqa, hinaptinmi uta hina sinchi nanachikuqllaña onqoy hamururqa, haykam manchakuypaq animalpa marcan marcayuq hinaspa imagennin yupaychaq runakunaman.

Apocalipsis 16:2 Iomraidhean Croise

2~Crónicas 21:15

Qanmanpas tukuy rikchaq onqoykunatam kacharimunqa. Manaña hampiy atina wiksa nanaywanmi onqonki chunchulnikipas lloqsimunankama”, nispa.

2~Crónicas 21:18

Tukuy chaykunapa qepantañataqmi manaña hampiy atina wiksa nanayta Joramman Tayta Dios qoykurqa.

Isaías 3:17

Ñoqa Tayta Dios castigaspaymi paykunapa uma puyukninta isuyachisaq, chay warmikunapa penqayninkutam runakunaman qawachisaq.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Deuteronomio 28:27

Tayta Diosqa Egipto runakunata hinam chupuwan, amoqllowan, sarnawan chaynataq seqsipakuykunawan mana hampikuypas atinaykichikkama ñakarichisunkichik;

Deuteronomio 28:35

Tayta Diosmi moqoykikunapi, piernaykikunapi chaynataq uma puyuknikimanta chaki pampaykikama mana hampiy atina chupukunawan ñakarichisunki.

Deuteronomio 7:15

Tayta Diosmi qamkunamanta tu-kuy onqoykunata wischunqa, Egipto nacionman kachasqan onqoykunata-pas manam qamkunamanqa chayachimunqachu. Aswanqa llapallan cheqnisuqnikichik runakunatam chay onqoykunawan ñakarichinqa.

Apocalipsis 13:12

Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta.

Apocalipsis 14:16

Puyupa hawanpi tiyaqmi rutunanwan kay pachata rutururqa, hinaptinmi kay pachapi cosechaqa huñusqaña karqa.

Apocalipsis 14:9

Kimsa kaq angelpas paykunata qatistinmi qaparirqa: Pipas manchakuypaq animaltawan imagenninta yupaychaqqa hinaspa urkunpi otaq makinpi marcachikuqqa,

Apocalipsis 16:1

Templomantam huk hatun qaya-kuyta uyarirqani, qanchis angelkunatam kaynata nimurqa: Rispayá Diospa piñakuyninwan huntasqa qanchis copakunata allpa pachaman tallimuychik, nispa.

Apocalipsis 16:11

chaywanpas mana allin ruwayninkumantaqa manam wanakurqakuchu, paykunaqa aswanraqmi hanaq pachapi kaq Diosta kamirqaku, chaynataqa kamirqaku nanaywan kasqankuraykum hinaspa uta hina onqoyniyuq kasqankuraykum.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

1~Samuel 5:6

Tayta Diosñataqmi Asdod llaqtapi runakunata chaynataq muyuriqninpi llaqtakunatapas tumor onqoywan castigarqa, chaymi llapallanku ñakariykurqaku.

1~Samuel 5:9

Ichaqa chay llaqtaman aparuptinkum, Tayta Diosñataq chay llaqtapi yachaqkunata llumpayta chaqwarachirqa, taksamanta hatunkama tumor onqoywan.