Apocalipsis 16:15 - CHUYA QELLQA La Biblia en Quechua de Ayacucho 2012

¹⁵ Ñoqaqa qonqayllatam suwa hina kutiramusaq. Mayna kusisqam rikchan-rikchanlla kaqqa chaynataq pachanku waqaychaqkunapas, chaynapi mana qalalla purinankupaq nitaq penqayninkupas rikukunanpaq.

Quechua Ayacucho Bible 1987

¹⁵ —Ñoqaqa qonqayllatam suwa hina kutiramusaq. Mayna kusisqam rikchaspa pachan waqaychaqkunaqa, paykunaqa manam qalallachu purinqaku nitaqmi penqayninkutapas rikuchikunqakuchu.

Chuya Qellqa 1992

¹⁵ Ñoqaqa qonqayllatam suwa hina kutiramusaq. Mayna kusisqam rikchan-rikchanlla kaqqa chaynataq pachanku waqaychaqkunapas, chaynapi mana qalalla purinankupaq nitaq penqayninkupas rikukunanpaq.

Apocalipsis 16:15 Iomraidhean Croise

Éxodo 32:25

Moisesmi qawaykurqa Aarón saqey-kuptin runakuna munasqankuta ruwaspa enemigonkupa burlakunanpaq hina kasqankuta.

Isaías 47:3

Lliwpa qawasqanmi qalalla purinki, penqaynikim qawakunqa; chayna kanaykikamam vengakusqayki, manam pipas librasunkichu.

Ezequiel 16:37

Chayraykum qanrakusqayki waynaykikunata llapallanta huñurusaq, huñurusaqtaqmi kuyasqayki kaqkunatapas chaynataq cheqnisqayki kaqkunatapas. Muyuriqnikiman huñuruspaymi qayllankupi llatanarusqayki, hinaptinmi llapallanku qalalla cuerpoykita qawanqaku.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Habacuc 2:15

¡Ay, imaynaraq kanqa! Penqayninta qawananpaq tragota upyachispa runamasinta machachiq runa.

Mateo 25:13

Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.

Mateo 26:41

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Marcos 14:38

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, aychaykichikmi ichaqa mana kallpayuq kachkan, nispa.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Hechos 20:31

Chaynaqa cuidakuychikyá, amayá qonqaychikchu weqeywan tuta punchaw kimsa watantin sapakamaman yachachisqaytaqa.

2~Corintios 5:3

Chaypi kaspaqa pachayuqmi kasunchik, manam qalallañachu.

1~Tesalonicenses 5:4

Wawqe-panillaykuna, qamkunaqa manam tutapichu kachkankichik, Señorpa hamunan punchaw suwa hina tarimusunaykichikpaqa.

1~Tesalonicenses 5:6

Chaynaqa, amayá wakinkuna hinachu puñusun, aswanqa rikchan-rikchanllayá kasun.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

Apocalipsis 22:7

¡Chayllam hamusaq! ¡Mayna kusisqam kay libropi qellqasqaman hina Diospa willakusqan kasukuqkunaqa! nispa.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.