Apocalipsis 14:16 - CHUYA QELLQA La Biblia en Quechua de Ayacucho 2012

¹⁶ Puyupa hawanpi tiyaqmi rutunanwan kay pachata rutururqa, hinaptinmi kay pachapi cosechaqa huñusqaña karqa.

Quechua Ayacucho Bible 1987

¹⁶ Puyupa hawanpi tiyaq rutunanwan kay pachata ruturuptinmi cosechaqa huñusqaña rikurirurqa.

Chuya Qellqa 1992

¹⁶ Puyupa hawanpi tiyaqmi rutunanwan kay pachata rutururqa, hinaptinmi kay pachapi cosechaqa huñusqaña karqa.

Apocalipsis 14:16 Iomraidhean Croise

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Apocalipsis 14:14

Chaymantam rikurqani yuraq puyuta, chay puyupa hawanpim tiyachkasqa runapa Churinman rikchakuq, payqa kachkasqa qorimanta coronayuqmi hinaspa makinpi ñawchi rutunayuqmi.

Apocalipsis 14:15

Hinaptinmi templomanta huk ángel lloqsiramurqa, paymi hatunmanta qaparispa puyupa hawanpi tiyaqta qayarqa: “Rutunaykiwan rutuy, ñam rutuna tiempoqa chayaramunña, kay pachapi cosechaqa ñam poqosqaña kachkan”, nispa.

Apocalipsis 14:17

Chaymantam huk angelpas hanaq pachapi kaq templomanta lloqsiramurqa filoyuq rutunanta aparikuspan.

Apocalipsis 14:19

Hinaptinmi rutunanwan chay ángel kay pachapi uvaskunata rutururqa, hinaspam uvas saruna pozoman huntarachirqa. Chay pozoqa karqa Diospa piñakuynin sutiyuq pozom.