Apocalipsis 14:15 - CHUYA QELLQA La Biblia en Quechua de Ayacucho 2012

¹⁵ Hinaptinmi templomanta huk ángel lloqsiramurqa, paymi hatunmanta qaparispa puyupa hawanpi tiyaqta qayarqa: “Rutunaykiwan rutuy, ñam rutuna tiempoqa chayaramunña, kay pachapi cosechaqa ñam poqosqaña kachkan”, nispa.

Quechua Ayacucho Bible 1987

¹⁵ Hinaptinmi templomanta lloqsiramurqa huk angel, paymi puyupa hawanpi tiyaqta qayarqa: —Rutunaykiwan rutuy, ñam rutuna tiempoqa chayaramunña, kay pachapi cosechaqa ñam poqosqaña kachkan —nispa.

Chuya Qellqa 1992

¹⁵ Hinaptinmi templomanta huk ángel lloqsiramurqa, paymi hatunmanta qaparispa puyupa hawanpi tiyaqta qayarqa: “Rutunaykiwan rutuy, ñam rutuna tiempoqa chayaramunña, kay pachapi cosechaqa ñam poqosqaña kachkan”, nispa.

Apocalipsis 14:15 Iomraidhean Croise

Génesis 15:6

Tayta Diosman iñisqanraykum Abramqa mana huchayuqpaqña chaskisqa karqa.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Jeremías 51:33

Ñoqa Tukuy Atiyniyuq Tayta Diosmi kaynata nini: Suma-sumaq Babilonia nacionmi trillana era hinaña rikurirunqa, Babilonia nación cosechasqa kanan punchawmi chayaramunqaña.

Joel 3:13

Chaynaqa, rutunaykichikta hapispa rutuychik, rutuy tiempom chayaramun; uraykamuychik, uvas saruna uchkukunam huntarun, vino chaskina baldekunam huntarun; llumpaymi llapa mana allin ruwayninkuqa.

Mateo 13:30

Kuskanyá rutunakama wiñachun, chaypiñam rutuqkunata kamachisaq vallikuta puntata ruturuspa gavilla-gavillata wataruspa kañaykunankupaq hinaspa trigotañataq taqeyman waqaychanankupaq, nispan.

Mateo 13:39

Chay valliku tar-puq enemigoqa diablom, cosecham kay pachapa puchukaynin, cosechaqkunañataqmi angelkuna.

Mateo 23:32

Chaynaqa, ¡Ñawpaq taytaykichikkunapa qallarisqantayá qamkunaña tukupaychik!

Marcos 4:29

poqoruptinñataqmi, cosecha chayaramuptin rutuytaña qallarinku, nispa.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 13:12

Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta.

Apocalipsis 14:14

Chaymantam rikurqani yuraq puyuta, chay puyupa hawanpim tiyachkasqa runapa Churinman rikchakuq, payqa kachkasqa qorimanta coronayuqmi hinaspa makinpi ñawchi rutunayuqmi.

Apocalipsis 14:16

Puyupa hawanpi tiyaqmi rutunanwan kay pachata rutururqa, hinaptinmi kay pachapi cosechaqa huñusqaña karqa.

Apocalipsis 14:17

Chaymantam huk angelpas hanaq pachapi kaq templomanta lloqsiramurqa filoyuq rutunanta aparikuspan.

Apocalipsis 14:18

Altarmantapas huk angelmi lloqsiramurqa, payqa ninata kamachiqmi karqa, hinaspam ñawchi rutunayuq angelta qayarqa: “Ñawchi rutunaykiwan kay pachapi uvaskunata rutuy, ñam uvaskunaqa poqosqaña kachkan”, nispa.

Apocalipsis 15:6

Chay templomantam lloqsiramurqa qanchis angelkuna qanchis castigokuna aparisqa, paykunaqa linomanta sumaq kancharichkaq pachayuqmi hinaspa qasqonkupas qorimanta chumpiwan watasqakamam kasqaku.

Apocalipsis 16:17

Qanchis kaq angelpas copa apasqantam wayraman talliykurqa, hinaptinmi hanaq pachapi kaq templopi Diospa trononmanta huk qapariy uyarikurqa: ¡Ruwasqañam kachkan! niq.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.