Apocalipsis 14:14 - CHUYA QELLQA La Biblia en Quechua de Ayacucho 2012

¹⁴ Chaymantam rikurqani yuraq puyuta, chay puyupa hawanpim tiyachkasqa runapa Churinman rikchakuq, payqa kachkasqa qorimanta coronayuqmi hinaspa makinpi ñawchi rutunayuqmi.

Quechua Ayacucho Bible 1987

¹⁴ Chaymantam rikurqani yuraq puyuta, hawanpiñataqmi tiyachkasqa Diosmanta Hamuq Runaman rikchakuq, payqa kachkasqa qorimanta coronayoqmi hinaspa makinpi ñawchi rutunayoqmi.

Chuya Qellqa 1992

¹⁴ Chaymantam rikurqani yuraq puyuta, chay puyupa hawanpim tiyachkasqa runapa Churinman rikchakuq, payqa kachkasqa qorimanta coronayuqmi hinaspa makinpi ñawchi rutunayuqmi.

Apocalipsis 14:14 Iomraidhean Croise

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Ezequiel 1:26

Chay bovedapa hawanpiñataqmi, zafiromanta ruwasqa tronoman rik-chakuqta rikurqani, chay tronopa hawan-pim runaman rikchakuq kachkasqa.

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Mateo 13:30

Kuskanyá rutunakama wiñachun, chaypiñam rutuqkunata kamachisaq vallikuta puntata ruturuspa gavilla-gavillata wataruspa kañaykunankupaq hinaspa trigotañataq taqeyman waqaychanankupaq, nispan.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Marcos 4:29

poqoruptinñataqmi, cosecha chayaramuptin rutuytaña qallarinku, nispa.

Lucas 21:27

Chaymantam runapa Churinta hatun atiyninwan hinaspa kanchariyninwan puyupi hamuchkaqta rikuykunqaku.

Hebreos 2:9

Jesustam ichaqa rikunchik, Diosmi paytaqa angelkunamantapas tumpa menostaraq ruwarurqa, ñakarispa wañusqanraykum paytaqa coronasqata hinaña kanchariywan hatunchasqataña qawachkanchik. Runakunata Dios kuyaykuptinmi Jesusqa llapallanpa rantinpi wañurqa.

Apocalipsis 1:13

chay qanchis candelabrokunapa chawpinpim kachkasqa, Diosmanta Hamuq Runaman rikchakuq, payqa kachkasqa chakinkama qoysu pachayuqmi, qasqonñataqmi kasqa qorimanta chumpiwan watasqa.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.

Apocalipsis 10:1

Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Apocalipsis 11:17

Señorllayku, graciastam qoykiku, Tukuy Atiyniyuq Diosnillayku, Qamqa ñawpaqtapas kunanpas hina kaqllam kanki, qamllataqmi hamuq kaqpas kanki. Qamqa munaychakunaykipaqmi hatun atiyta chaskirqanki.

Apocalipsis 19:12

Paypaqa ñawinpas lenwachkaq nina hinam kasqa, umanpiñataqmi achka diademakuna kasqa. Paypiqa huk sutipas qellqasqam kasqa, chaytaqa manam pipas yachanchu aswanqa kikillanmi.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 6:2

Rikurqanitaqmi huk yuraq caballotapas, sillakuqninmi kasqa makinpi flecha hapiyniyuq. Payman coronata qoykuptinkum vencedorña lloqsirqa hinaspa aswanraq vencemunanpaq.