Apocalipsis 14:13 - CHUYA QELLQA La Biblia en Quechua de Ayacucho 2012

¹³ Hanaq pachamantam huk qayakuyta uyarirqani, chay qayakuymi nimuwarqa: “Kayta qellqay, mayna kusisqam kanqa kunanmanta ñawpaqman Diospi iñispa wañuqkunaqa”, nispa. Arí, Espiritupas nintaqmi: “Paykunaqa llamkasqankumantapas samanqakuñam, allinkuna ruwasqankum ichaqa paykunawan kuska kanqa”, nispa.

Quechua Ayacucho Bible 1987

¹³ Hinaptinmi hanaq pachamanta qayamuwarqa: —Qellqay kayta: “Mayna kusisqam Diospi iñispa kunanmanta wañuqkunaqa” nispa. Espiritupas nintaqmi: “Arí, paykunaqa samanqañam ñakariykunamanta, allin rurasqankupas paykunawanmi kachkan” nispa.

Chuya Qellqa 1992

¹³ Hanaq pachamantam huk qayakuyta uyarirqani, chay qayakuymi nimuwarqa: “Kayta qellqay, mayna kusisqam kanqa kunanmanta ñawpaqman Diospi iñispa wañuqkunaqa” nispa. Arí, Espiritupas nintaqmi: “Paykunaqa llamkasqankumantapas samanqakuñam, allinkuna ruwasqankum ichaqa paykunawan kuska kanqa”, nispa.

Apocalipsis 14:13 Iomraidhean Croise

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Daniel 12:13

Daniel, qamqa wañukunayki punchawkamayá hawka kawsakuy, puchukay punchawkunapiñam tupaqnikita chaskinaykipaq hatarimunki, nispa.

Mateo 3:17

Hinaptinmi hanaq pachamanta huk rimariy uyarikurqa: “Paymi kuyasqay Churiy, payraykum kusisqa kachkani”, nispa.

Lucas 16:25

Abrahamñataqmi nirqa: “Churilláy, yuyariyyá kawsaspaykiraq allin kaqkuna chaskisqaykita, Lazaroñataq ñakariyllapi kasqanta. Kunanmi ichaqa kusisqaña kaypi tarikuchkan, qamñataqmi ñakarichkanki.

Lucas 16:9

Chaynaqa, nikichikmi: Mana allinkunamanta chaskisqaykichik qori-qollqewanqa amistadkunatayá armaychik, chaynapi qollqekichik manaña kaptinpas hanaq pachapi chaskisunaykichikpaq.

Romanos 14:8

Kawsaspanchikpas Señorninchikpaqmi kawsasun, wañu-kuspanchikpas Señorninchikpaqtaqmi wañusun. Chaynaqa, wañuspapas kawsaspapas Señorninchikpaqmi kanchik.

1~Corintios 15:18

Chayna kaptinqa Cristopi iñispa wañukuqkunapas chinkasqachiki kachkanku.

1~Corintios 15:20

¡Manam chaynachu! Cristoqa kaw-sarimurqam, payqa wañuqkunamanta punta kawsarimuqmi.

1~Corintios 15:58

Chaynaqa, kuyasqay wawqe-pani-llaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.

2~Corintios 5:8

Ichaqa confiakuspam kachkanchik, maynatachá munachwan cuerponchikta saqeruspa Señorwanña kawsakuyta.

Filipenses 2:17

Diospi iñisqaykichikwanmi ofrenda hina ofrecekurqankichik, chay ofrendaman completanaypaq wañunay kaptinpas, chaytaqa kusikuywanmi ruwasaq, hinaspam llapallaykichikwan kusikusaq.

1~Tesalonicenses 4:14

Imaynam Jesuspa wañukusqanpi hinaspa kawsarimusqanpi creenchik, chaynataqmi Jesucristopi iñikuspa wañukuqkunata Jesucristotawan kuskata Dios kawsarichimunanpipas creenchik.

1~Tesalonicenses 4:16

Kikin Señorpunim uraykamunqa, hanaq pachamanta kamachikuy qapariyninwan, angelkunata kamachiqpa qayakuyninwan hinaspa Diospa trompetanpa waqayninwan, hinaptinmi Cristopi iñispa wañuqkuna puntata kawsarimunqaku.

1~Tesalonicenses 5:10

Jesucristom ñoqanchikrayku wañurqa, chaynapi kawsaspapas otaq wañuspapas paywan kuska kananchikpaq.

1~Timoteo 5:24

Wakin runakunapa huchanqa ma-naraq juzgasqa kachkaptinmi sutilla qawachikun, wakinkunapam ichaqa chaymantaña yachakun.

1~Timoteo 5:25

Chayna-llataqmi runapa allinkuna ruwasqankunapas sutilla qawachikun, mana allinkuna ruwasqakunapas manataqmi pakasqachu kanqa.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 10:4

Chay qanchis rayokuna toqyaramuptinmi qellqanaypaqña kachkarqani, ichaqa hanaq pachamantam huk qapariyta uyarirqani: “Qanchisnintin rayokunapa nisqantaqa amaraqyá willakuychu nitaq qellqaychu”, niqta.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 16:17

Qanchis kaq angelpas copa apasqantam wayraman talliykurqa, hinaptinmi hanaq pachapi kaq templopi Diospa trononmanta huk qapariy uyarikurqa: ¡Ruwasqañam kachkan! niq.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 2:1

Éfeso llaqtapi iglesiapa angelninman kaynata qellqay: Qanchis chaskakunata alleq makinpi hapiqmi hinaspa qorimanta qanchis candelabrokunapa chawpinpi puriqmi kaynata nin:

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 20:6

Mayna kusisqam hinaspa chuyataqmi kanku punta kawsarimuypi kawsarimuqkunaqa. Iskay kaq wañuyqa manañam paykunataqa imananqañachu, aswanqa kanqaku Diospa hinaspa Cristopa sacerdotenkunañam, paykunaqa Cristowanmi waranqa wata munaychakunqaku.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Apocalipsis 6:11

Hinaptinmi sapakamaman yuraq pachata qoykuspan nirqa: Pisi tiempollatañayá suyaykuychik, iñiqmasikichikkuna qamkuna hina wañuchisqa kaspa completakunankama, nispa.