Apocalipsis 14:12 - CHUYA QELLQA La Biblia en Quechua de Ayacucho 2012

¹² Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.

Quechua Ayacucho Bible 1987

¹² Chaynapim Diosllapaqña kawsaqkunapas otaq kamachikuynin kasukuqkunapas otaq Jesuspi qaqa hina sayaqkunapas pacienciakunku.

Chuya Qellqa 1992

¹² Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.

Apocalipsis 14:12 Iomraidhean Croise

2~Timoteo 4:7

Allin peleaytam tukuruniña, mayman kallpasqaymanmi chayaruniña, iñiyniypim allinta sayarqani.

1~Juan 2:3

Kamachikuyninkunata kasukuspam yachanchik Dios reqsisqanchikta.

Apocalipsis 12:17

Hinaptinmi Dragonqa warmipa contranpi piñakururqa, hinaspam chay warmipa mirayninpa contranpi peleaq pasarqa, chay miraykunaqa Diospa kamachikuynin kasukuqkunam hinaspa Jesuspi iñiqkunam karqaku.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 3:10

Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Apocalipsis 3:8

Ñoqaqa yachanim imam ruwasqaykita. Qawariyá punkutam kichaykapuyki, chaytaqa manam pipas wichqanmanchu; pisi kallpayuq kachkaspaykipas pala-braykunatam kasukurqanki, manataqmi sutiytapas negawarqankichu.