Apocalipsis 14:11 - CHUYA QELLQA La Biblia en Quechua de Ayacucho 2012

¹¹ Ñakariyninqa ninapa qosniynin hinaraqmi wiña-wiñaypaq qosninqa. Manchakuypaq animal yupaychaqkunaqa chaynataq marcan chaskiqkunaqa, tutapas punchawpas manam hawkayayta tarinqakuchu.

Quechua Ayacucho Bible 1987

¹¹ Ñakariyninqa ninapa qosniynin hinaraqmi qosninqa wiña-wiñaypaq. Tutapas-punchawpas manam hawkayayta tarinqachu Manchakuypaq Animal adoraqkunaqa nitaq marcan chaskiqkunapas.

Chuya Qellqa 1992

¹¹ Ñakariyninqa ninapa qosniynin hinaraqmi wiña-wiñaypaq qosninqa. Manchakuypaq animal yupaychaqkunaqa chaynataq marcan chaskiqkunaqa, tutapas punchawpas manam hawkayayta tarinqakuchu.

Apocalipsis 14:11 Iomraidhean Croise

Génesis 19:28

Chaymi Sodoma, Gomorra llaqtakuna lawta chaynataq tukuy qechwankunata qawariptin hornopa qosniynin hinaraq qosnirimuchkasqa.

Éxodo 15:18

Tayta Diosmi wiña-wiñaypaq munaychakunqa, nispa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 34:10

Mana wañuspam tuta punchaw rupanqa, wiñaypaqmi qosnin wicharinqa, wiñaypaqmi purmachisqa kanqa, manaña chayninta pipas purinankamam chunninqa.

Isaías 34:8

Tayta Diospa vengakunan punchawmi kanqa, Jerusalén llaqtapa kutiykachikunan watam kanqa.

Isaías 57:20

Mana allin ruwaq runakunam ichaqa sinchi wayrapa pukusqan lamar qocha hina, manam hawkalla kaytaqa atinkuchu, yakunkunapas mitutawan qachankunata wischumuq hinaraqmi.

Daniel 3:6

Pipas chay idolopa ñawpaqninpi qonqorakuspa mana hatunchaqqa, chaypunillam rupachkaq hornoman wischusqa kanqa, nispa.

Joel 2:30

Cielokunapipas, kay pachapipas admirakuypaq kaqkunatam ruwasaq; yawarta, ninata hinaspa suyullaña hoqarikuq qosnitam qawachisqaykichik.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Deuteronomio 28:65

Chay nacionkunapiqa purisqallaykichikpi kaspam samaytapas mana tarinkichikchu. Tayta Diosmi mancharisqallataña, weqe ñawintinta hinaspa llakisqallataña kawsachisunkichik.

Hebreos 1:8

Churinmantañataqmi kaynata nin: Diosnilláy, qamqa wiña-wiñaypaqmi munaychakunki, mana pimanpas sayapakuspam munaychakunki.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 13:12

Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta.

Apocalipsis 13:15

Chay iskay kaq manchakuypaq animalmanmi atiy qosqa karqa, punta kaq manchakuypaq animalpa imagenninman kawsayta qospa rimachinanpaq hinaspa chay imagenta mana yupaychaqkunata wañuchinanpaq.

Apocalipsis 13:17

chaynapim pipas chay animalpa sutinwan hinaspa numeronwan mana marcasqa kaqkunaqa, manam imallatapas rantiyta nitaq rantikuytapas atiqkuchu.

Apocalipsis 14:9

Kimsa kaq angelpas paykunata qatistinmi qaparirqa: Pipas manchakuypaq animaltawan imagenninta yupaychaqqa hinaspa urkunpi otaq makinpi marcachikuqqa,

Apocalipsis 18:18

Llaqtapa qosnisqanta qawaykuspankum qayaykachakurqaku: ¿Mayqan llaqtataq kay hatu-hatun llaqta hinaqa karqa? nispanku.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.

Apocalipsis 19:3

Huktawanmi kaynata nirqaku: ¡Aleluya! Chay chuchumika llaqtapa qosniyninqa mana tukuytam qosninqa, nispanku.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.

Apocalipsis 7:12

“¡Amén! Hatunchaypas, qapaqchaypas, yachaypas, gracias qoypas, yupaychaypas, atiypas, kallpapas, Diosninchikman wiña-wiñaypaq qosqa kachun. ¡Amén!” nispanku.