Apocalipsis 14:1 - CHUYA QELLQA La Biblia en Quechua de Ayacucho 2012

¹ Chaymantam rikurqani Sión moqopa hawanpi Cordero sayachkaqta. Paywanmi sayachkasqa pachak tawa chunka tawayuq waranqa runakuna, paykunaqa kachkasqa Corderopa sutinwan hinaspa Taytanpa sutinwan urkunkupi qellqasqakamam.

Quechua Ayacucho Bible 1987

¹ Qawarispaymi rikururqani Sion Moqopa hawanpi *f**Carnero sayachkaqta. Paywanmi sayachkasqa pachak tawa chunkan tawayoq waranqa runakuna, paykunaqa kachkasqa Carneropa sutinwan hinaspa Taytanpa sutinwan urkunkupi qellqaskamam.

Chuya Qellqa 1992

¹ Chaymantam rikurqani Sión moqopa hawanpi Cordero sayachkaqta. Paywanmi sayachkasqa pachak tawa chunka tawayuq waranqa runakuna, paykunaqa kachkasqa Corderopa sutinwan hinaspa Taytanpa sutinwan urkunkupi qellqasqakamam.

Apocalipsis 14:1 Iomraidhean Croise

Isaías 49:14

Sión llaqtam kaynata nin: Tayta Diosmi saqeruwan, Señor Diosmi qonqaruwan, nispa.

Jeremías 1:11

Tayta Diosmi tapuwarqa: Jeremías ¿imatataq qawachkanki? nispa. Chaymi ñoqa nirqani: Almendras sachapa kallmantam, nispa.

Ezequiel 1:4

Ñoqa Ezequiel qawariptiymi, norte lawmanta sinchi wayra pukumuchkasqa, huk yanay-yanay puyumantañataqmi llipyakuna lloqsimuchkasqa, chaypa muyuriqninpim llumpay kanchay kach-kasqa. Chay llipyakunapa chawpinpim llipipipichkaq bronceman rikchakuq kachkasqa.

Ezequiel 10:1

Chaymantam chay querubinkunapa hawanpi kaq bovedapi, zafiro rumimanta ruwasqa tronoman rikchakuqta rikurqani.

Ezequiel 10:9

Qawarispaymi querubinkunapa waqtanpi tawa ruedakunata rikurqani, sapa querubinpa waqtanpim huk rueda kasqa. Chay ruedakunaqa crisólito rumi hinam llipipipisqa.

Ezequiel 2:9

Chaymi qawarispay rikurqani huk makita, qellqasqa rollota haywarimuwachkaqta.

Ezequiel 44:4

Chaymantam aparuwarqa norte lawpi punkuman, chay punkuqa kachkan templopa chimpanpim; hinaptinmi temploman Tayta Diospa kanchariynin huntaykusqanta rikurqani, chaymi pampakama kumuykurqani.

Ezequiel 8:7

Chaymantam patiopa punkunman pusaruwarqa, hinaptinmi perqapi huk uchkuta rikurqani,

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Daniel 12:5

Ñoqa Danielmi qawarispay iskay runakunata rikururqani, hukninmi mayupa waklaw chimpanpi, hukninñataqmi kaylaw chimpanpi sayachkasqa.

Joel 2:32

Pipas Diosninpaq chaskiykuwaqniytam ichaqa salvaykusaq; nisqayman hinam Sión moqopiwan Jerusalén llaqtapiqa salvakunqaku, akllakusqaykunawan kuskam salvakunqaku.

Amós 8:2

Hinaspanmi tapuwarqa: Amós, ¿imatataq qawachkanki? nispan. Ñoqañataqmi nirqani: Canasta hunta poqosqa frutakunatam, nispa. Hinaptinmi Tayta Dios niwarqa: Israel llaqtaymanmi puchukay chayaramun, manapunim pampachasaqñachu.

Miqueas 4:7

Wistu ovejakunamantam taksa llaqtata hatarichisaq, llapa chinkasqamantañataqmi kallpasapa nacionta ruwasaq, hinaspaymi ñoqa Tayta Diosñataq Sión moqopi wiña-wiñaypaq paykunapi munaychakusaq.

Zacarías 4:2

Hinaspam tapuwarqa: ¿Imatataq rikuchkanki? nispa. Hinaptinmi nirqani: Qorimanta ruwasqa candelabrotam, aceite hillpunapaq pukru hawayuqta. Chaypa hawanpim qanchis mecherokuna kachkan, chay mecherokunaman aceite chayananpaqñataqmi qanchis tubokuna kachkan.

Lucas 12:8

Nikichikmi, runakunapa qayllanpi ñoqamanta willakuqtaqa, runapa Chu-rinpas Diospa angelninkunapa qayllanpim paymanta willakunqa.

Romanos 9:33

Chuya Qellqapim kaynata nin: “Sión moqopim mitkana rumita churani, Sión moqopim urmachikuq hatun rumita churani, pipas paypi iñiqqa manam hukmanyanqachu”, nispa.

Apocalipsis 14:14

Chaymantam rikurqani yuraq puyuta, chay puyupa hawanpim tiyachkasqa runapa Churinman rikchakuq, payqa kachkasqa qorimanta coronayuqmi hinaspa makinpi ñawchi rutunayuqmi.

Apocalipsis 14:3

Paykunam musoq takita takirqaku, tronopa ñawpaqninpi, tawa kawsaqkunapa hinaspa ancianokunapa qayllanpi. Chay takitaqa manam pipas yachayta atirqakuchu, aswanqa pachak tawa chunka tawayuq waranqa kay pachamanta rantisqa runakunallam yacharqaku.

Apocalipsis 15:5

Kaykunapa qepantañataqmi rikurqani Diosman asuykuna carpa kichakuykuqta.

Apocalipsis 22:4

Paykunaqa Diospa uyantam qawanqaku, urkunkupiñataqmi paypa sutin kanqa.

Apocalipsis 3:12

Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.