Apocalipsis 13:18 - CHUYA QELLQA La Biblia en Quechua de Ayacucho 2012

¹⁸ Kaypiqa yachaymi kachkan. Yachay-niyuq runaqa manchakuypaq animalpa numerontayá yupachun. Paypa numeronqa runapa numeronmi, chay numeroqa soqta pachak soqta chunka soqtayuqmi.

Quechua Ayacucho Bible 1987

¹⁸ Yachayniyoqpaqmi kayqa. Yachayniyoq runaqa animalpa numerontayá yupachun. Paypa numeronqa soqta pachak soqta chunkan soqtayoqmi.

Chuya Qellqa 1992

¹⁸ Kaypiqa yachaymi kachkan. Yachayniyuq runaqa manchakuypaq animalpa numerontayá yupachun. Paypa numeronqa runapa numeronmi, chay numeroqa soqta pachak soqta chunka soqtayuqmi.

Apocalipsis 13:18 Iomraidhean Croise

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Romanos 3:5

Huchasapa kasqanchikmi reqsichiwanchik Diosqa mana pimanpas sayapakuspa juzgasqanta, hinaptinqa ¿imanisuntaq? Chaynaqa, huchanchikmanta Dios castigawaspanchikqa, ¿cheqniwaspanchikchu chayta ruwanman? (Chaytaqa runa hinallam rimachkani).

Deuteronomio 3:11

(Refaitakunamantaqa Basán nacionpa reynin Ogllañam puchururqa. Paypa catrenmi fierromanta tawa metro sayayniyuq hinaspa yaqa iskay metro anchoyuq karqa. Amonpa mirayninkunapa Rabá llaqtanpim chay catreqa hinallaraq kachkan).

Apocalipsis 1:3

Mayna kusisqam kay libropi qell-qasqa profeciakuna leeqkunaqa hinaspa uyariqkunaqa chaynataq kaypi qellqas-qa kaqkunata ruwayman churaqkunapas. Tiempopa cumplikunanqa ñam hichpamuchkanña.

Apocalipsis 15:2

Rikurqanitaqmi ninawan chaqrusqa cristal kaqlla lamar qochatapas. Rikurqanitaqmi manchakuypaq animaltawan imagennintapas chaynataq marcantawan sutinpa numeron mana chaskispa venceqkunatapas, paykunaqa chay cristal kaqlla lamar qochapa patanpim Diospa qosqan arpantinkama sayachkasqaku.

Apocalipsis 17:9

Kaykuna entiendeyqa yachayniyuqpaqmi: Qanchis umakunaqa rikchakun warmipa tiyasqan qanchis moqokunamanwan,

Apocalipsis 21:17

Perqanta tupuruptinñataqmi kasqa soqta chunka pichqayuq metro. Angelqa runapa tupunanman hinallam tupurqa.