Apocalipsis 13:15 - CHUYA QELLQA La Biblia en Quechua de Ayacucho 2012

¹⁵ Chay iskay kaq manchakuypaq animalmanmi atiy qosqa karqa, punta kaq manchakuypaq animalpa imagenninman kawsayta qospa rimachinanpaq hinaspa chay imagenta mana yupaychaqkunata wañuchinanpaq.

Quechua Ayacucho Bible 1987

¹⁵ Chay iskay kaq animalmanmi atiyta qoykurqaku punta kaq animalpa imagenninman espirituta qospa rimachinanpaq hinaspa imagen mana adoraqkunataqa wañuchinanpaq.

Chuya Qellqa 1992

¹⁵ Chay iskay kaq manchakuypaq animalmanmi atiy qosqa karqa, punta kaq manchakuypaq animalpa imagenninman kawsayta qospa rimachinanpaq hinaspa chay imagenta mana yupaychaqkunata wañuchinanpaq.

Apocalipsis 13:15 Iomraidhean Croise

Génesis 2:7

Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

Jeremías 10:14

Runakunaqa llapallankum asnoyarunku, llapallankum mana yachayniyuq rikurirunku. Metalmanta idolokuna ruwaqkunam penqaypi rikurirunku, fundisqa idolokunaqa pantaymi paykunapaqa manam kawsayninpas kanchu.

Jeremías 10:5

Chay idolokunaqa tarpuykunapa chawpinpi manchachikumanmi rikchakun; manam rimankuchu, mana puriq kasqanraykum kayman chayman qepikachasqa kanku. Chaykunataqa ama manchakuychikchu, chaykunaqa manam allinta otaq mana allintapas ruwasunkichikmanchu.

Jeremías 51:17

Llapa runakunam mana yachayniyuq rikurirunku, ídolo ruwaqkunamanmi ídolo ruwasqanmanta penqakuy yaykurun. Chay idolokuna ruwasqankuqa mana imapaq valeqmi, chaykunapaqa manam kawsaynin kanchu.

Daniel 7:20

Yachaykuytataqmi munarqani chay chunkantin waqrakunamantapas, ñawiyuq hinaspa hatun tukuspa rimaq simiyuq taksa waqrachamantapas. Chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa rikchakapuwarqa wakin waqrakunamantapas aswan hatunmi.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Habacuc 2:19

¡Imallapiraq rikukunqa! Kullumanta idolota “rikchariy” niq runa, rumimanta mana rimaq idolota “hatariy” niq runa. ¿Yaqachu chay idolokuna imallatapas willakunman? Manam; qori-qollqewan llusisqaña kaspapas paykunaqa manam kawsankuchu.

Santiago 2:26

Cuerponchikpas mana espirituwanqa wañusqam kachkan, chaynam iñiyninchikpas wañusqa kachkan allin kaqkunata mana ruwaptinchikqa.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 13:12

Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 14:11

Ñakariyninqa ninapa qosniynin hinaraqmi wiña-wiñaypaq qosninqa. Manchakuypaq animal yupaychaqkunaqa chaynataq marcan chaskiqkunaqa, tutapas punchawpas manam hawkayayta tarinqakuchu.

Apocalipsis 14:9

Kimsa kaq angelpas paykunata qatistinmi qaparirqa: Pipas manchakuypaq animaltawan imagenninta yupaychaqqa hinaspa urkunpi otaq makinpi marcachikuqqa,

Apocalipsis 16:2

Punta kaq angelmi rispan copa apasqanta kay pachaman talliykurqa, hinaptinmi uta hina sinchi nanachikuqllaña onqoy hamururqa, haykam manchakuypaq animalpa marcan marcayuq hinaspa imagennin yupaychaq runakunaman.

Apocalipsis 16:5

Chaymantam yaku kama-chiq angelpa kayna nimusqanta uyarir-qani: “Señorlláy, qamqa chuyam kanki, qamqa ñawpaqpas, kunanpas, chuya Diosmi kanki, qamqa allin juzgaqmi kanki.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Apocalipsis 17:6

Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa. Chayta qawaykuspay sinchita admirakuptiymi

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 18:24

Chay llaqtaqa huchayuqmi kachkan: Profetakunapa yawarnin chaqchusqanmanta, Diosllapaqña kawsaqkunapa yawarnin chaqchusqanmanta, kay pachapi llapallan wañuchisqakunapa yawarnin chaqchusqanmanta, nispa.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.