Apocalipsis 13:10 - CHUYA QELLQA La Biblia en Quechua de Ayacucho 2012

¹⁰ Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Quechua Ayacucho Bible 1987

¹⁰ Pipas presochasqa kananpaq kaqqa presochasqam kanqa. Espadawan wañuchisqa kananpaq kaqqa espadawanmi wañunqa. Chaynapim Diosllapaqña kawsaqkunaqa pacienciayoq hinaspa confianzayoq kananku.

Chuya Qellqa 1992

¹⁰ Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 13:10 Iomraidhean Croise

Isaías 14:2

Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Jeremías 15:2

Sichum paykuna nisunki: ¿Maymantaq risaqku? nispa, hinaptinqa ñoqapa sutiypim kaynata ninki: Onqoywan wañunanpaq kaqkunaqa onqoywanyá wañuchunku; guerrapi wañunanpaq kaqkunaqa guerrapiyá wañuchunku; yarqaymanta wañunanpaq kaqkunaqa yarqaymantayá wañuchunku; preso apasqa kanankupaq kaqkunaqa preso apasqayá kachunku, nispayki.

Jeremías 43:11

Hamuspanmi Egipto nacionta atacanqa, hinaptinmi peste onqoypaq kaqkuna peste onqoywan wañunqaku, preso rinanpaq kaqkunam preso rinqaku, guerrapi wañunanpaq kaqkunam guerrapi wañunqaku.

Lamentaciones 3:26

Tayta Dios yanapawananchikpaqqa upallalla suyaymi aswan allinqa.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Mateo 26:52

Hinaptinmi Jesús nirqa: Espadaykita maymi kasqanman kutiykachiy, espadawan wañuchiqkunaqa espadawantaqmi wañuchisqa kanqaku.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Lucas 21:19

Pipas allinta takyaqmi salvakunqa.

Colosenses 1:11

Mañakuchkanikutaqmi hatu-hatun atiyninwan kallpanchasunaykichikpaqpas, chaynapi ima mana allintapas pacienciakuspa kusikuywanraq aguantanaykichikpaq,

Hebreos 6:12

Amayá qellaqa kaychikchu, aswanqa iñiywan hinaspa pacienciawanyá Diospa promesan chaskiqkunapa ruwasqanta hina ruwaychik.

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.

Apocalipsis 11:18

Nacionkunam piñakurun; castiganaykipaq punchawmi chayaramun. Wañuqkunata juzganayki punchawmi chayaramun, serviqniki profetaykikunaman paganayki punchawmi chayaramun, chuya llaqtaykimanwan sutiki kasukuqkunaman paganayki punchawmi chayaramun, taksamanpas hatunmanpas llapallanmanmi pagapunki, kay pacha tuñichiqkunatam chinkachinki, nispanku.

Apocalipsis 14:12

Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Apocalipsis 17:11

Ñawpaq kachkaspa, kunan manaña kaq manchakuypaq animalñataqmi pusaq kaq rey. Payqa qanchis reykunapa hukninmi, payqa wiñaypaq wañuymanmi richkan.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.

Apocalipsis 2:19

Ñoqaqa reqsinim tukuy ruwasqaykikunata, kuyakuynikita, iñiynikita, servikuynikita. Reqsinitaqmi pacienciawan qepa kaq ruwasqaykikunaqa punta kaqmantaqa aswan allinraq kasqantapas.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.

Apocalipsis 3:10

Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.