Apocalipsis 12:9 - CHUYA QELLQA La Biblia en Quechua de Ayacucho 2012

⁹ Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Quechua Ayacucho Bible 1987

⁹ Chaynapimá chay hatun *f**dragonqa wischumusqa karqa. Payqariki diablowan hinaspa *f**Satanaswan sutichasqa ñawpaqmantaraq kaq culebram. Paymi llapallan kay pachapi runakunata engañachkan, paymá kay pachamanpas wischumusqa karqa angelninkunapiwan.

Chuya Qellqa 1992

⁹ Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 12:9 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Génesis 3:13

Hinaptinmi warmita Tayta Dios tapurqa: ¿Imatataq kayta ruwarunki? nispa. Chaymi warmiñataq nirqa: Maqta uru engañaruwaptinmi mikururqani, nispa.

1~Crónicas 21:1

Satanasmi Israelpa contranpi hatarispan, Israel nacionpi runakunata yupachinanpaq Davidta kallpancharurqa.

2~Crónicas 18:21

Hinaptinmi chay espíritu nirqa: Llapallan profetankunapa siminmanmi llulla rimayllata churamusaq, nispa. Chaymi Tayta Dios nirqa: Engañamuspa chaynata ruwamuy, nispa.

Isaías 14:12

Achikyaq chaska ¡Imaynamá cielomantaqa wichiykamunki! Nacionkunata purmachiq kachkaspaykiqa, ¡imaynamá kay pachamanqa wischurachikamunki!

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 65:25

Atoqwan malta ovejapas kuskankum mikunqaku, leonpas toro hinam pajataña mikunqa, maqta urupas allpatañam mikunqa. Chuyanchasqay orqopiqa manañam ima mana allin ruwanakuypas kanqañachu, nispa.

Ezequiel 28:16

Qamqa llapa negocio ruwasqaykiwanmi mana allin ruwaykunawan chaynataq huchawan huntarachikurqanki. Chayraykum qayllaymanta wischururqayki, Diospa chuya orqonmantam qarqorurqayki, waqaychasuqniki querubinpas llipipipiq rumikunapa chawpinmantam wischurusurqanki.

Mateo 13:39

Chay valliku tar-puq enemigoqa diablom, cosecham kay pachapa puchukaynin, cosechaqkunañataqmi angelkuna.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Mateo 4:1

Chaymantam Jesusta purunman Espíritu aparurqa diablopa tentasqan kananpaq.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Mateo 4:5

Chaymantam diablo aparurqa Jeru-salén chuya llaqtaman, hinaspam templopa hawanpi sayaykachispan

Mateo 4:8

Chaymantam diablo aparurqa alto-alto orqopa puntanman, hinaspam kay pachapi llapallan nacionkunatawan chaypi tukuy ima kaqkunata qawaykachirqa.

Lucas 10:18

Jesusñataqmi nirqa: Arí, ñoqapas Satanastam rikurqani cielomanta rayo hina wichimuqta.

Lucas 13:16

Kay warmiqa Abrahampa mirayninmanta karqa, paytam chunka pusaqniyuq wataña Satanás watarurqa, ¿chaychu samana punchawña kachkaptinpas mana sanoyaykachiyman? nispa.

Lucas 22:3

Chunka iskayniyuq discipulonkunapa hukninmi karqa Iscariotewan sutichas-qanku Judas, paymanmi Satanás yaykururqa,

Lucas 22:31

Señorqa nirqataqmi: Simón, Simón, Satanasmi mañakurun trigota hina suysusunaykichikpaq,

Lucas 8:12

Ñanman wichiq muhum rikchakun Diospa palabranta uyariq runakunaman, ichaqa diablom hamuruspan sonqonkumanta hurqorun, chaynapi mana creenankupaq hinaspa mana salvakunankupaq.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

Juan 16:11

juiciomantañataqmi reqsichinqa, kay pachallapi kamachikuqqa juzgasqaña kasqanmanta.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Hechos 5:3

Hinaptinmi Pedro nirqa: Ananías, ¿imanasqamá Satanasqa sonqoykita munaychakurun, chaynapi chakra rantikusqayki qollqeta raki-kuykuspayki Chuya Espirituta llulla-kunaykipaqqa?

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

2~Corintios 11:14

Kayqa manam admirakunapaqchu, Satanaspas kancharichkaq angelmanmi tikrakun.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

2~Corintios 2:11

chaynapi Satanaspas mana vencewananchikpaq, ñoqanchikqa yachanchikmi payqa pantachikuqllaña kasqanta.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

2~Tesalonicenses 2:3

Amayá piwanpas engañachikuychikchu, puntataqa runakunam Diosta qepanchanqaku, hinaptinmi rikurimunqa Diospa enemigon millay runa, chay runaqa chinkananpaq citasqañam kachkan.

1~Timoteo 2:14

Maqta uruqa manam Adantachu engañarurqa, aswanqa Evatam, chaynapim Evaqa huchallikururqa.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

Hebreos 2:14

Tayta-mamanchikpa mirayninkuna kaspanchikmi aychanmantawan yawarninmanta kanchik. Jesuspas ñoqanchik hina cuerpoyuqmi karqa, chaynaqa karqa wañuyta reqsispan wañuypi munaychakuq diablota chinkachinanpaqmi.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

1~Juan 5:19

Yachanchikmi Diospaña kasqanchikta chaynataq kay pachapi kaqkunaqa diablopa makinpiña kasqantapas.

Judas 1:9

Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki”, nispan.

Apocalipsis 12:12

Chaynaqa, ¡cielokuna kusikuychik, kusikuychiktaqyá chaypi yachaqkunapas! ¡Ay, imaynaraq kanqa kay pachapi kaqkunaqa! Diabloqa piñasqallañam qamkunaman uraykaramun, payqa yachakunmi pisi tiempollapaqña kananta”, nispa.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 12:7

Chaymantam hanaq pachapi hatu-hatun guerra karqa. Miguelmi angelninkunapiwan dragonpa contranpi pelearqa. Dragonpas angelninkunapiwanmi kutichikurqa

Apocalipsis 12:8

ichaqa manam venceyta atirqachu, chaynapim paykunapaqqa hanaq pachapi sitiopas manaña karqañachu.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 16:14

Chaykunaqa kasqa demoniokunapa espiritunkunam. Milagrokunata ruwaspankum kay pachapi llapallan reykuna huñuq lloqsirqaku, huñumurqakuqa Tukuy Atiyniyuq Diospa punchawninpi guerrapi peleanankupaqmi.

Apocalipsis 18:2

Llumpayta qaparispanmi nirqa: ¡Wichiykunñam, wichiykunñam hatu-hatun Babilonia llaqtaqa! Demoniokunapa wasinñam rikurirun, chay llaqtaqa tukuy rikchaq mana allin espiritupa yachananñam rikurirun, millakuypaq hinaspa cheqnipay llapa animalkunapa qesanñam rikurirun.

Apocalipsis 18:23

Mecheropas manañam achkinqañachu, casarakuykunapi kusikuypas manañam kanqañachu, chaypi negociantekunam kay pachapi munayniyuq karqaku, layqaspam llapallan nacionkunata engañarqaku.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 2:24

Wakiqnikichik Tiatirapi kaqkunamanñataqmi nikichik: Qamkunaqa Jezabelpa yachachisqantaqa manam kasukurqankichikchu, manataqmi Satanaspa pakasqa hatun yachachikuynin nisqankutapas chaskirqankichikchu. Chaymi qamkunamanqa imapas sasa ruwaytaqa mana kamachisqaykichikchu.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:8

hinaspam lloqsimunqa kay pachapi llapallan nacionkunata engañananpaq. Gogtawan Magogtapas engañaspanmi paykunapa tropankunata guerrapaq huñunanqa, chay tropakunaqa lamar qochapa patanpi aqo hina manaña yupay atinam kanqa.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

Apocalipsis 9:1

Trompetanta pichqa kaq ángel tocaykuptinmi chaskata rikurqani cielomanta kay pachaman wichiykamuqta, chay chaskam uku pachapa llaventa chaskirqa.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.