Apocalipsis 12:15 - CHUYA QELLQA La Biblia en Quechua de Ayacucho 2012

¹⁵ Dragonñataqmi siminmanta mayu hina achka-achka yakuta atqorqa chay warmita aparunanpaq.

Quechua Ayacucho Bible 1987

¹⁵ Culebrañataqmi siminmanta wischurqa mayu hina achka-achka yakuta chay warmita aparunanpaq.

Chuya Qellqa 1992

¹⁵ Dragonñataqmi siminmanta mayu hina achka-achka yakuta atqorqa chay warmita aparunanpaq.

Apocalipsis 12:15 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Isaías 28:2

Tayta Diosmi hatallichkan huk kallpasapa sinchi atiyniyuq runata. Chay runaqa, runtu para hina dañakuqmi, llumpay wayra-para hinaraqmi, loco para hinaraqmi, manchakuypaq repunti lloqlla hinaraqmi. Kallpawanmi pampaman wikapanqa,

Isaías 59:19

Intipa qespimunan lawpi kaqkunam Tayta Diosta manchakunqaku, intipa seqaykunan lawpi kaqkunam atiyninta hatunchanqaku. Payqa lloqlla hinaraqmi hamunqa, Diospa pukuyninpa kallpachimusqan mayu hinaraqmi hamunqa.

Isaías 8:7

Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

Apocalipsis 12:16

Ichaqa allpam chay warmita yanaparqa hinaspam siminta kichariykuspan Dragonpa atqomusqan achka-achka yakuta millpururqa.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 17:15

Angelqa niwarqataqmi: Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.