Apocalipsis 11:5 - CHUYA QELLQA La Biblia en Quechua de Ayacucho 2012

⁵ Sichum pipas paykunata imanaytapas munaptinqa siminkumanta lloqsimuq ninam enemigonkuta kañarunqa, chaynatam wañunqa imanaruy munaqpas.

Quechua Ayacucho Bible 1987

⁵ Pipas paykunata imanaytapas munaptinqa siminkumanta lloqsimuq ninawanmi enemigonkuta kañarunqa, chaynatamá wañurunqa imanaruynin munaqpas.

Chuya Qellqa 1992

⁵ Sichum pipas paykunata imanaytapas munaptinqa siminkumanta lloqsimuq ninam enemigonkuta kañarunqa, chaynatam wañunqa imanaruy munaqpas.

Apocalipsis 11:5 Iomraidhean Croise

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Jeremías 1:10

Kunanmi nacionkunapa hawanman churayki, reykunapa munaychakuyninpa hawanpim churayki, rachunaykipaq chaynataq tuñichinaykipaq, taqmanaykipaq chaynataq chinkachinaykipaq, plantanaykipaq chaynataq hatarichinaykipaq, nispa.

Jeremías 5:14

Chayraykum Tukuy Atiyniyuq Tayta Dios kaynata nin: Chaynakunata rimasqankumantam, palabraykunaqa nina hina simikipi kanqa, paykuna yanta hina kaptinkum rimasqaykikunañataq paykunata ruparunqa.

Ezequiel 43:3

Chay visionpi rikusqayqa karqa Jerusalén llaqtata Tayta Dios tuñichinanpaq hamusqanta rikusqay hinaraqmi chaynataq Quebar mayupa patanpi qawasqay hinaraqmi. Chaymi pampaman kumuykurqani.

Oseas 6:5

Chayraykum qamkunataqa profetaykunawan qaqchachirqaykichik, rimayniywanmi wañuchirqaykichik. Justicia ruwayniyqa achkiy hinam lloqsimunqa.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Zacarías 2:8

Tukuy Atiyniyuq Tayta Diosmi, tukuy imaykichiktapas qechusuqnikichik nacionkunaman kayta willamunaypaq kachawarqa: Pipas qamkuna llapchaykuqqa, ñawi ruruytam llapchaykun.

Apocalipsis 13:13

Hatun señalkunata ruwaspam, llapa runakunapa qawasqanta cielomanta kay pachaman ninata wichichimurqa.

Apocalipsis 9:17

Visionniypim qawachiwarqa caballokunapi silladakunata, paykunaqa kasqaku puka, azul hinaspa qellu colorniyuq qasqo harkachikunawan churasqam. Chay caballokunapa umanqa kasqa leonpa uman hinam, chay caballokunapa siminmantam lloqsimusqa nina, qosni hinaspa azufre.