Apocalipsis 11:12 - CHUYA QELLQA La Biblia en Quechua de Ayacucho 2012

¹² Hinaptinmi chay iskay testigokunaqa hanaq pachamanta hatun qayakuyta uyarirqaku “¡Kayman qespimuychik!” niqta. Chaymi enemigonkuna qawachkaptinku hanaq pachaman puyupi qespirqaku.

Quechua Ayacucho Bible 1987

¹² Hinaptinmi chay iskay testigokuna hanaq pachamanta uyarirqaku hatun qayakuyta “Seqamuychik kayman” niqta. Hinaptinmi puyuntakama seqarurqaku hanaq pachaman enemigonkunapas qawachkaptin.

Chuya Qellqa 1992

¹² Hinaptinmi chay iskay testigokunaqa hanaq pachamanta hatun qayakuyta uyarirqaku “¡Kayman qespimuychik!” niqta. Chaymi enemigonkuna qawachkaptinku hanaq pachaman puyupi qespirqaku.

Apocalipsis 11:12 Iomraidhean Croise

2~Reyes 2:1

Eliasta remolino wayrapi hanaq pachaman Tayta Dios hoqarinanpaq kachkaptinmi Eliseowan Eliasqa Gilgalmanta lloqsimurqaku.

2~Reyes 2:11

Rimastin richkaptinkum lenwachkaq caballokunapa aysasqan lenwachkaq carreta rikuriykamuspan paykunata rakirurqa, chaymi remolino wayrapa ukunpi Elías cieloman hoqarikururqa.

2~Reyes 2:5

Jericó llaqtapi yachaq profetakunam Eliseoman taripaykuspanku nirqaku: ¿Manachu yachanki señorniki Eliasta Tayta Dios kunan hoqarirunanta? nispan-ku. Chaymi Eliseo nirqa: Arí yachanim, upallaychik, nispa.

2~Reyes 2:7

Ichaqa pichqa chunka profetakunam paykunata qatimuspanku chimpankupi sayaykuspa qawarqaku. Eliaswan Eliseoñataqmi Jordán mayupa patanpi sayaykurqaku.

Éxodo 14:25

chaymi carretankunapa ruedanta wichirirachirqa, hinaptinmi qatiyninkupi sasachakuspanku Egipto runakuna nirqaku: Israel runakunamanta ayqekusunchik, Tayta Diosmi ñoqanchikpa contranchikpi peleachkan, nispa.

Isaías 14:13

Qanmi sonqoykipi nirqanki: Ñoqam hanaq pachaman qespirusaq, Tayta Diospa chaskakunapa altonpim tiyanayta churamusaq, norte lawman rispaymi tiyamusaq, dioskunapa huñunakunanku orqopim tiyamusaq.

Isaías 40:31

Tayta Diosman hapipakuqkunam ichaqa musoq kallpayuq kanqaku, anka hinaraqmi pawarinqaku, kallpaspankupas manam saykunqakuchu, purispankupas manam pisipanqakuchu.

Isaías 60:8

¿Pikunataq waknaña puyu hina pawaqkunaqa, wasinman kutiq palomakuna hina pawaqkunaqa?

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Lucas 16:23

Chay apum, wañusqakunapa kasqanpi ñakarichkaspan karumanta qawarispan Abrahamta rikururqa, Lazarotañataq waqtanpi tiyachkaqta.

Hechos 1:9

Kaykunata niruptinñataqmi apostolninkuna qawachkaptinku Jesusqa hanaq pachaman hoqarisqa karqa. Puyu ukuman Jesús chinkaykuptinmi apostolninkunaqa manaña rikurqakuchu.

1~Tesalonicenses 4:17

Chaymantañataqmi kay pachapi kawsaqkuna paykunawan kuska alto-man hoqarisqa kasunchik puyukunapa kasqanpi Señorwan tupanan-chikpaq, hinaspam paywan wiñaypaq kasun-chik.

Apocalipsis 12:5

Chay warmiqa qari wawatam wachakururqa, paymi fierro tawnawan hina hatun atiyninwan llapallan nacionkunata kamachinqa. Chay wawata qechuruspankum Diospa hinaspa trononpa qayllanman aparurqaku.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.