Apocalipsis 11:1 - CHUYA QELLQA La Biblia en Quechua de Ayacucho 2012

¹ Chaymantam soqos kaqlla tupuna varata qoykuwaspan niwarqa: Diospa templontawan altartayá tupuramuy, yuparamuytaqyá chaypi yupaychaqkunatapas.

Quechua Ayacucho Bible 1987

¹ Soqos kaqlla tupuna varata huk kaqnin qoykuwaspanmi niwarqa: —Diospa templontawan *f**altartayá tupuramuy, yuparamuytaqyá chaypi adoraqkunatapas.

Chuya Qellqa 1992

¹ Chaymantam soqos kaqlla tupuna varata qoykuwaspan niwarqa: Diospa templontawan altartayá tupuramuy, yuparamuytaqyá chaypi yupaychaqkunatapas.

Apocalipsis 11:1 Iomraidhean Croise

Isaías 28:17

Plomadawan hinam allin arreglota ruwasaq, nivelwan hinam allin kawsakuyta ruwasaq. Llullakuy amparoykichiktapas runtu param tukurunqa, pakakunaykichiktapas yakum tuyturunqa.

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Números 33:18

Hazerotmanta lloqsispankum Ritmapi samarurqaku.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 10:11

Chaymantam niwarqa: Huktawanmi profetizamunki achka llaqtakunamanta, nacionkunamanta, tukuy rikchaq rimayniyuqkunamanta hinaspa reykunamanta, nispa.

Apocalipsis 21:15

Rimapayawaqniy angelpa makinpim kachkasqa qorimanta tupuna soqos, chayqa kasqa llaqtata, punkunkunata hinaspa perqankunata tupunanpaqmi.