Apocalipsis 10:3 - CHUYA QELLQA La Biblia en Quechua de Ayacucho 2012

³ Hinaspam leonpa qaparisqanta hinaraq hatunmanta qaparirqa, chaynata qapariptinmi qanchis rayokuna toqyaramurqa.

Quechua Ayacucho Bible 1987

³ Leon hina qapariptinmi qanchis rayokuna toqyamurqa rimachkaq hina.

Chuya Qellqa 1992

³ Hinaspam leonpa qaparisqanta hinaraq hatunmanta qaparirqa, chaynata qapariptinmi qanchis rayokuna toqyaramurqa.

Apocalipsis 10:3 Iomraidhean Croise

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Isaías 31:4

Tayta Diosmi kaynata niwarqa: Imaynam ovejata hapiruspan michiqkuna huñunakuruspa qaparispanku manchachiptinkupas leonqa sunita sayan, chaynam Tukuy Atiyniyuq Tayta Diospas llaqtanta harkaykunanpaq Sión moqoman uraykamunqa.

Isaías 42:13

Tayta Diosqa hatun piñakuywan peleaq soldado hinaraqmi lloqsinqa, qaparispanmi guerrapi peleananpaq qayaykachakunqa, enemigonkunata venceruspanmi munaychakunqa.

Isaías 5:29

Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Jeremías 25:30

Jeremías, paykunapa contranpiyá kay nisqaykunata kaynata willamuy: Altomantam Tayta Dios qaparimun, hanaq pachapi tiyananmantam qaparimun. Runankunapa contranpim qaparin, uvas saruq hinaraqmi kay pachapi runakunapa contranpi qaparin.

Ezequiel 10:5

Chay querubinkunapa rapranpa rapapapasqanmi hawa patiokamaraq uyarikurqa, uyarikurqaqa Tukuy Atiyniyuq Tayta Diospa rimaynin hinaraqmi.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Joel 3:16

Tayta Diosmi Sión moqomanta qaparimunqa, Jerusalenmantam rimasqan uyarikunqa, cielokunapas kay pachapas katkatatanqam; chaywanpas Tayta Diosmi churinkunataqa waqaychanqa, paytaqmi Israel castakunapa kallpanpas kanqa.

Amós 1:2

Sión moqomantam Tayta Dios qaparimun, Jerusalenmantam simin uyarikun, Pastorkunapa michinan pastokunapas qawinankama, Carmelo orqopa puntanpas chakinankama, nispa.

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Apocalipsis 14:2

Uyarirqanitaqmi hanaq pachamanta achka yakupa hinaspa sinchi rayopa qapariynin hina qayakuytapas, chay qayakuyqa karqa arpa tocaqkunapa tocasqan hinaraqmi.

Apocalipsis 15:1

Hanaq pachapim ancha admirakuypaq señalta rikurqani: Qanchis angelkunam kachkasqa qanchis qepa kaq ñakariykuna hapirisqakama, chay ñariykunawanmi Diospa piñakuynin tukururqa.

Apocalipsis 15:7

Runaman rikchakuq tawan kawsaqkunapa hukninmi qanchis angelkunaman qoykarirqa qorimanta copakunata, chay copakunaqa kasqa Diospa piñakuyninwan huntasqam, payqa wiña-wiñaypaq kawsaqmi.

Apocalipsis 4:5

Chay tronomantam lloqsimusqa llipyakuna, rayokuna hinaspa qapariykuna. Trononpa ñawpaqninpiñataqmi rupachkasqa qanchis mecherokuna, chaykunaqa kasqa Diospa qanchis espiritunkunam.

Apocalipsis 8:5

Hinaspam chay angelqa hapisqan qontichinaman altarpa hawanmanta nina sansata hinaykuspan kay pachaman wikutiykamurqa hinaptinmi rayokuna, qapariykuna, llipyaykuna hinaspa terremoto karurqa.