Apocalipsis 10:1 - CHUYA QELLQA La Biblia en Quechua de Ayacucho 2012

¹ Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Quechua Ayacucho Bible 1987

¹ Rikurqanitaqmi huk atiyniyoq angelta hanaq pachamanta uraykamuqta, payqa kasqa puyuwan pachasqam hinaspa umanpi chirapayoqmi. Uyanpas achkirirqa inti hinaraqmi, chakinkunañataqmi kasqa ninamanta pilarkuna hinaraq.

Chuya Qellqa 1992

¹ Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Apocalipsis 10:1 Iomraidhean Croise

Éxodo 16:10

Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Cantares 5:15

Chakinkunapas qoripi sapinchasqa mármol rumim, rikchayninpas Líbano orqopi cedrokuna kaqllam.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 54:9

Sinchita parachimusqay tiempopim Noeyman juraspay nirqani, kay pachata yakuwan manaña tuytuchinaypaq. Chaynatam kunanpas qanman jurayki, qampaqqa manañam huktawanqa piñakusaqñachu, nitaqmi qaqchasqaykiñachu.

Lamentaciones 3:44

Mañakusqaykuta mana uyarinaykipaqmi, puyukunawan harkarachikurqanki.

Ezequiel 1:28

Chay muyuriqninpi kanchariymi kasqa paramuptin puyu ukumanta rikurimuchkaq chirapa hina. Chaynatam Tayta Diospa kanchariynin ñoqaman rikuriykuwarqa. Chayta rikuruspaymi qonqoranpa pampaman kumuykurqani. Chaymantam rimapayamuwasqanta uyarirqani.

Daniel 10:6

Cuerponpas topacio rumi hinam kasqa, uyanpas llipya hina kancharichkaqmi kasqa, ñawinkunapas lenwachkaq nina hinam kasqa, brazonkunawan chakinkunañataqmi lluchkay-lluchkay bronce hina llipipipisqa, rimasqanpas nana-nanaq runakunapa rimasqan hinaraqmi uyarikurqa.

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

Lucas 21:27

Chaymantam runapa Churinta hatun atiyninwan hinaspa kanchariyninwan puyupi hamuchkaqta rikuykunqaku.

Hechos 26:13

Reynilláy, chawpi punchawta richkaspayñataqmi intimantapas aswan kancharichkaq achkiyta rikururqani. Hinaptinmi chay achkiyqa riqmasiykunatawan kanchariykuwarqaku.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.

Apocalipsis 18:1

Chaykunapa qepantam rikurqani hanaq pachamanta huk ángel hatun atiyninwan uraykamuchkaqta, achkiyninmi kay pachata kancharirqa.

Apocalipsis 18:21

Hinaptinmi huk kallpasapa ángel hatun molino rumita hoqariykuspan lamar qochaman chamqaykurqa hinaspam nirqa: Chayna wischusqam kanqa hatu-hatun Babilonia llaqtaqa, chay llaqtaqa manañam rikurinqañachu.

Apocalipsis 20:1

Chaymantañataqmi huk angelta hanaq pachamanta urayka-muchkaqta rikurqani, payqa uku pachapa llaventawan hatun cadenata aparikuspanmi uraykamuchkasqa.

Apocalipsis 4:3

Chay tiyaqpa rikchayninqa jaspe alhaja rumimanwan cornalina nisqanku alhaja rumimanmi rikchakusqa. Trononpa muyuriqninpiñataqmi kasqa huk chirapa esmeralda alhaja rumi hina llipipipichkaq.

Apocalipsis 5:2

Rikurqanitaqmi huk atiyniyuq angeltapas, paymi qaparispan tapukurqa: ¿Pitaq kay rollota kichananpaq chaynataq sellosqakunatapas paskananpaq hina kanman? nispa.

Apocalipsis 8:13

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.