Apocalipsis 1:18 - CHUYA QELLQA La Biblia en Quechua de Ayacucho 2012

¹⁸ chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Quechua Ayacucho Bible 1987

¹⁸ chaynataq kawsaq kaqpas. Wañusqam karqani, kunanmi ichaqa wiña-wiñaypaq kawsachkani. Kichanapaqpas wichqanapaqpas munaychakunim wañuypi chaynataq wañusqakunapa kasqanpipas.

Chuya Qellqa 1992

¹⁸ chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Apocalipsis 1:18 Iomraidhean Croise

Jobwan Sutichasqa Libro 19:25

Ñoqaqa yachanim Salvawaqniypa kawsasqanta, payqa wañuyta venceruspanmi mana huchayuq kasqayta niykuwanqa.

Jobwan Sutichasqa Libro 38:17

¿Yaqachum wañuypa munaychakunanman uraykurqanki? ¿Yaqachum wañuqkunapa kasqanman chayarqanki?

Isaías 22:22

Davidpa wasinpa llaventa hapiykachiptiymi, paypa kichasqantaqa mana pipas wichqanqachu, wichqasqantaqa manam pipas kichayta atinqachu.

Mateo 11:23

Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa.

Mateo 16:19

Diospa munaychakuyninpa llavenkunatam qos-qayki; kay pachapi watasqaykim hanaq pachapipas watasqa kanqa, kay pachapi paskasqaykiñataqmi hanaq pachapipas paskasqa kanqa, nispa.

Lucas 24:5

Chaymi manchakuymanta pampakama kumuykurqaku, ichaqa chay runakunam nirqaku: ¿Imanasqataq kawsaqta wañusqakuna ukupi maskachkankichik?

Juan 11:25

Jesusñataqmi nirqa: Ñoqam kani kawsarichiqpas chaynataq kawsay qokuqpas. Pipas ñoqapi iñiqqa wañuspapas kawsarimunqam.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Romanos 6:9

Yachanchiktaqmi kaytapas: Cristo kawsariramuspanqa manañam huktawanqa wañunmanñachu, wañuyqa manañam paypiqa munaychakunmanñachu.

2~Corintios 13:4

Cheqaptam mana atiyniyuq hina chakatasqa karqa, kunanmi ichaqa Diospa atiyninwan kawsachkan, chaynam ñoqaykupas Cristowan hukllawasqa kaspa mana atiyniyuq hina kachkaniku, ichaqa Diospa atiyninwanmi kawsachkaniku qamkunata servinaykupaq.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Colosenses 3:3

Qamkunaqa huchapaqqa wañurunkichikñam, kawsaynikichikqa Cristopim pakasqa kachkan, chaytaqa Diosmi ruwarun.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Hebreos 7:16

Cristoqa manam runapa hapipakusqan tukuruqlla leyman hinachu akllasqaqa karqa, aswanqa mana haykapipas wañuq kasqanraykum.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Apocalipsis 10:6

hinaspam cielokunapas, kay pachapas, lamar qochapas chaynataq chaykunapi kaq tukuy imapas unanchaq wiña-wiñaypaq kawsaq Diosrayku jurarqa: Manañam unamunqañachu,

Apocalipsis 15:7

Runaman rikchakuq tawan kawsaqkunapa hukninmi qanchis angelkunaman qoykarirqa qorimanta copakunata, chay copakunaqa kasqa Diospa piñakuyninwan huntasqam, payqa wiña-wiñaypaq kawsaqmi.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin:

Apocalipsis 20:13

Lamar qochapas chaypi kaq wañusqakunatam qomurqa, qomurqataqmi wañuypas chaynataq Hadespas chaypi wañusqakunata, chaymi sapakama juzgasqa karqaku imam ruwasqankuman hina.

Apocalipsis 20:14

Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin:

Apocalipsis 4:9

Runaman rikchakuq chay kawsaqkuna, trononpi tiyaq wiña-wiñaypaq kawsakuq Diosta sapa kuti yupaychaspa hinaspa hatunchaspa graciasta qoptinkuñataqmi,

Apocalipsis 5:14

Chay tawa kawsaqkunañataqmi nirqaku: ¡Amén! nispa. Iskay chunka tawayuq ancianokunañataqmi qonqorakuykuspanku hatuncharqaku.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.

Apocalipsis 9:1

Trompetanta pichqa kaq ángel tocaykuptinmi chaskata rikurqani cielomanta kay pachaman wichiykamuqta, chay chaskam uku pachapa llaventa chaskirqa.

1~Samuel 2:6

Tayta Diosllam wañuchinpas kawsachinpas, payllataqmi wañuqkunapa kasqanman wischuykuqpas, chaymanta hurqomuqpas.