Apocalipsis 1:15 - CHUYA QELLQA La Biblia en Quechua de Ayacucho 2012

¹⁵ Chakinkunapas kasqa hornopi chullurachisqa llipipipichkaq bronce hinaraqmi, rimayninpas kasqa hatun mayupa qapariynin hinaraqmi.

Quechua Ayacucho Bible 1987

¹⁵ Chakinkunapas achkirirqa hornopi chullurachisqa bronce hinaraqmi, rimayninñataqmi kasqa achka yakupa qapariynin hina.

Chuya Qellqa 1992

¹⁵ Chakinkunapas kasqa hornopi chullurachisqa llipipipichkaq bronce hinaraqmi, rimayninpas kasqa hatun mayupa qapariynin hinaraqmi.

Apocalipsis 1:15 Iomraidhean Croise

Isaías 17:13

Chayman rikchakuqña hamuptinkupas, Dios qaqchaptinmi karukunamanraq lluptinqaku, wayrapa apasqan qopa hinaraq, sinchi wayrapa hoqarisqan allpa hinaraq.

Ezequiel 1:24

Puriptinkum chay raprankupa qapa-riyninta uyarirqani. Chay qapariymi kasqa hatun mayupa kallpayninpa qapariynin hina, Tukuy Atiyniyuqpa qayakuynin hina, otaq nana-nanaq tropakunapa qapariynin hina. Sayaykuptinkuqa rapran-kupas cuerponkumanmi laqakuykuq.

Ezequiel 1:7

Chakinkunapas kasqa derechollam, situnkupas toropa hinam kasqa. Chay chakinkunam llipipipiq bronce hina kanchasqa.

Ezequiel 40:3

Chayman aparuwaptinmi bronceman rikchakuq runata rikururqani. Paymi llaqtapa punkunpi sayachkasqa, linomanta cordeltawan tupuna kaspita aptarisqa.

Ezequiel 43:2

Hinaptinmi rikurqani Israelpa yupaychasqan Tayta Diospa kanchariynin intipa qespimunan lawmanta hamuchkaqta. Qapariyninpas lloqllapa qapariynin hinaraqmi uyarikurqa, chaymi kanchariyninwan kay pachapas sumaqllataña achkirirqa.

Daniel 10:6

Cuerponpas topacio rumi hinam kasqa, uyanpas llipya hina kancharichkaqmi kasqa, ñawinkunapas lenwachkaq nina hinam kasqa, brazonkunawan chakinkunañataqmi lluchkay-lluchkay bronce hina llipipipisqa, rimasqanpas nana-nanaq runakunapa rimasqan hinaraqmi uyarikurqa.

Apocalipsis 10:1

Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Apocalipsis 14:2

Uyarirqanitaqmi hanaq pachamanta achka yakupa hinaspa sinchi rayopa qapariynin hina qayakuytapas, chay qayakuyqa karqa arpa tocaqkunapa tocasqan hinaraqmi.

Apocalipsis 19:6

Uyarirqanitaqmi achka runakunapa qapariyninta hina, chay qapariyqa karqa achka yakukunapa qapariyninwan, rayokunapa tunrururuynin hinam, paykunam kaynata nirqaku: ¡Aleluya! Tukuy Atiyniyuq Señor Diosninchikmi munaychakuchkan.

Apocalipsis 2:18

Tiatira llaqtapi iglesiapa angelninman kaynata qellqay: Kancharichkaq nina hina ñawiyuq hinaspa lluchkayachisqa bronce hina chakiyuq Diospa Churinmi kaynata nin: