Amós 9:8 - CHUYA QELLQA La Biblia en Quechua de Ayacucho 2012

⁸ Cheqaptapunim Tayta Diosqa hucha-sapa nacionpa contranpi kachkan, chay-raykum nin: Chayna naciontam kay pachamanta chinkachisaq. Jacobpa mirayninkutam ichaqa wakillantapas puchuykusaq, nispa.

Quechua Ayacucho Bible 1987

⁸ Huchapi kawsaq runakunapa gobiernonta qawaspanmi Tayta Dios nin: Kay pachamantam chinkarachisaq chay gobiernotaqa. Manam pasaypaqtachu chinkarachisaq Jacobpa castankunataqa. Chaynatam ñoqa Tayta Dios nini.

Chuya Qellqa 1992

⁸ Cheqaptapunim Tayta Diosqa huchasapa nacionpa contranpi kachkan, chayraykum nin: Chayna naciontam kay pachamanta chinkachisaq. Jacobpa mirayninkutam ichaqa wakillantapas puchuykusaq, nispa.

Amós 9:8 Iomraidhean Croise

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Génesis 7:4

Qanchis punchawmantam kay pachaman parachimusaq tawa chunka punchaw tawa chunka tuta; llapallan kawsaqkuna unanchasqaytam kay pachamanta chinkachisaq, nispa.

1~Reyes 13:34

Chaynapim Jeroboampa ayllunkunaqa huchallikururqaku, chayraykum kay pachamanta pasaypaq chinkachisqa karqaku.

Proverbios 15:3

Tayta Diospa ñawinqa tukuy hinastinpim kachkan, allin runatapas mana allin runatapas qawaspan.

Proverbios 5:21

Runapa ñanninqa Tayta Diospa qayllanpim kachkan, imayna kawsasqantapas qawachkanmi.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 44:27

Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Oseas 1:4

Chaymi Oseasta Tayta Dios nirqa: Jezreelwan chay wawata sutichay, yawarta Jezreel llaqtapi chaqchusqanmantam rey Jehupa ayllunta chaylla castigasaq, chaynatam Israel nacionpa munaychakuyninta tukusaq.

Oseas 1:6

Huktawan wiksayakuruspanmi warmi wawata Gomer wachakururqa. Chaymi Oseasta Tayta Dios nirqa: Lo-ruhama nispa sutichay, manañam huktawanqa Israel nacionta llakipayasaqñachu, nitaqmi pampachasaqñachu.

Joel 2:32

Pipas Diosninpaq chaskiykuwaqniytam ichaqa salvaykusaq; nisqayman hinam Sión moqopiwan Jerusalén llaqtapiqa salvakunqaku, akllakusqaykunawan kuskam salvakunqaku.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Amós 7:17

Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Amós 9:10

Llaqtaypi huchasapakunam ninku: Manam imapas pasawasunchikchu, nitaqmi ima castigopas chayamuwasunchu, nispanku. Ichaqa paykunam guerrapi wañunqaku.

Amós 9:4

Enemigonkupa preso apasqanña rispankupas chaypim espadawan wañuchisqa kanqaku; paykunataqa ñakarinankupaqmi qawarisaqpas, manam yanapanaypaqñachu.

Deuteronomio 4:31

Señornikichik Tayta Diospas llakipayakuq Dios kasqanraykum manapuni saqesunkichikchu, nitaqmi chinkachisunkichikchu. Ñawpaq taytaykichikwan juraspan pacto ruwasqantapas manam qonqanqachu.

Deuteronomio 6:15

Qamkunawan kaq Señornikichik Tayta Diosqa paylla kuyanata munaqmi, mana chayqa con-traykichikpi piñakuspanmi kay pacha-manta pasaypaqta chinkarachisunki-chikman.