Amós 9:7 - CHUYA QELLQA La Biblia en Quechua de Ayacucho 2012

⁷ Tayta Diosmi kaynata nin: Israelpa mirayninkuna, qamkunaqa manam huk rikchaqchu kankichik, aswanqa Etiopía runakuna hinallam; imaynam qamkunata Egiptomanta hurqomurqaykichik, chaynam filisteokunatapas Cretamanta hurqomurqani, Kir lawmantañataqmi Aramta hurqomurqani, nispa.

Quechua Ayacucho Bible 1987

⁷ Tayta Diosmi kaynata nin: Israelpa mirayninkunaqa Cus nacion runakunawan iguallam kankichik. Egipto nacionmantam pusamurqaykichik. Creta islamantapas Filistea runakunatam pusamurqani. Kir lawmantañataqmi Aram castakunata pusamurqani.

Chuya Qellqa 1992

⁷ Tayta Diosmi kaynata nin: Israelpa mirayninkuna, qamkunaqa manam huk rikchaqchu kankichik, aswanqa Etiopía runakuna hinallam; imaynam qamkunata Egiptomanta hurqomuyqaykichik, chaynam filisteokunatapas Cretamanta hurqomurqani, Kir lawmantañataqmi Aramta hurqomurqani.

Amós 9:7 Iomraidhean Croise

2~Reyes 16:9

Asiria nacionpa reyninñataqmi chaskiruspan Damasco llaqtapa contranpi peleananpaq rirqa. Venceruspanmi runankunata presochasqata Kir lawman aparqa, wañurachirqataqmi reynin Rezintapas.

2~Crónicas 14:12

Chaymi Etiopía soldadokunata Tayta Dios vencerurqa, Asapa hinaspa Judá runakunapa qayllanpi, hinaptinmi Etiopía runakuna ayqekurqaku.

2~Crónicas 14:9

Paykunapa contranpim hamurqa Etiopía nacionniyuq Zera, waranqantin-waranqantin soldadokunawan, guerrapaq kimsa pachak carretakunawan, hinaspam Maresa llaqtakama chayaramurqa.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Isaías 22:6

Elam tropakunam flechankuta hapiykunku, carretankumanmi qespirunku, caballonkumanmi sillakuykunku. Kir lawpi tropakunam escudonkuta hapiykunku.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Jeremías 13:23

¿Yaqachu yana runa yana kayninmanta tikrakurunman? ¿Yaqachu leopardo atinman muru pelon cambiaruyta? Chaynam huchaman qokuruq runapas, allinkuna ruwaytaqa mana atinmanchu.

Jeremías 47:4

Filistea llaqtapa chinkanan tiempom chayaramun, Tiro llaqtata chaynataq Sidón llaqtata yanapaqkunapa puchukananku tiempom chayaramun. Filisteokunatawan Creta islapi puchuqkunatam Tayta Dios chinkachinqa.

Oseas 12:13

Tayta Diosmi huk profetantakama Israelta Egipto nacionmanta hurqomurqa, huk profetantakamam paykunata Tayta Dios waqaycharqa.

Amós 1:5

Damascopa punkunkunatam tuñirachisaq, Bicat-avenpi yachaqkunatawan, Bet-edenpi kamachikuqkunatam chinkarachisaq. Siria llaqtatam Kir llaqtaman presota apachisaq. Tayta Diosmi chaynata nin.

Deuteronomio 2:23

Chaynatam Gaza llaqtapa muyuriqnin taksa llaqtakunapi yachaq aveokunatapas ruwarqa; llapa caftoreokunam Cretamanta hamuruspanku paykunata puchukarachirqaku, hinaspam paykunaña chaypi yachachkanku).