Amós 9:13 - CHUYA QELLQA La Biblia en Quechua de Ayacucho 2012

¹³ Tayta Diosmi kaynata nin: Ha-muchkanmi tiempo yapuqpas rutuqta haypananpaq, uvasta tarpuqpas uvas saruqta haypananpaq; orqokunawan moqokunapas vinotam weqeri-munqaku.

Quechua Ayacucho Bible 1987

¹³ Hamuchkanmi tiempo trigotapas manaraq cosechayta tukuchkaptinku chakrakuna yapunaña kananpaq. Uvastapas manaraq saruyta tukuchkaptinku trigo tarpuyña kananpaq. Moqokunapi hinaspa waqtakunapim vinopas achkallaña kaspan mayu hinaña puririnqa.

Chuya Qellqa 1992

¹³ Tayta Diosmi kaynata nin: Hamuchkanmi tiempo yapuqpas rutuqta haypananpaq, uvasta tarpuqpas uvas saruqta haypananpaq; orqokunawan moqokunapas vinotam weqerimunqaku.

Amós 9:13 Iomraidhean Croise

Génesis 49:11

Uvas sachamanmi malta asnonta wataykunqa, uvaspa ikllipanmanmi uña asnochanta wataykunqa; vinowanmi payqa pachantapas taqsanqa, uvaspa yakunwanmi capantapas taqsanqa.

Isaías 16:10

Kusikuyninkum tukurunña, tarpusqa chakrakunapi qapariyninkum tukurunña, uvas huertankupi takiyninkum manaña kanñachu, uvas sarunankupipas manañam sarunqakuñachu, vinopaq uvastapas manañam sarunqakuñachu. Diosmi kusikuyninkutapas tukurachin.

Isaías 55:13

Kichkakunapa rantinpim ciprés sachakunaña wiñanqa, itanakunapa rantinpim arrayankunaña wiñanqa, chaykunawanmi Tayta Diosqa ancha reqsisqa kanqa, wiñaypaq mana tukuq señal hinam chaykunaqa kanqa.

Ezequiel 28:26

Chay allpapiqa hawkam yachakunqaku, wasikunata hatarichispankum uvastapas plantanqaku. Chaynaqa, kanqaku muyuriqninkupi cheqniqninku nacionkunata sentenciaspay castigaptiymi, chaynapim Israelpa yupaychasqan Tayta Dios kasqayta yachanqaku.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Joel 2:24

Erakunapas kawsaykunawanmi huntarinqa, vino ruwana uchkukunapas llimparinqam, aceitepas llimparinqam,

Joel 3:18

Chay tiempokunapiqa orqokunapas vinotam pullpurimunqa, moqokunamantapas lechem lloqllarimunqa, Judá nacionpa llapa yarqankunatapas achkallaña yakukunam kallpanqa; Tayta Diospa templonmantapas yaku lloqsispanmi Sitim llaqtapa qechwankunata parqonqa.

Joel 3:20

Judá nacionwan Jerusalenmi ichaqa runakunapa wiñaypaq yachanan kanqa.

Levítico 26:5

Kawsaykuna cosechasqaykichikpas uvas pallaykamam haypanqa, uvas pallaynikichikñataqmi tarpuykama haypanqa, hinaptinmi saksanaykichikkama mikunkichik, allpaykichikpipas hawkallam yachakunkichik.

Amós 9:5

Tukuy Atiyniyuq Tayta Dios llapchaykuptinmi kay pacha chullurin, chaypi yachaqkunam lliw waqanku; chulluspanmi mayu hinaraq timpurin, Egiptopi mayu hinaraqmi yawyarinpas.

Juan 4:35

Qamkunam ninkichik: “Cosechapaqqa tawa killaraqmi faltachkan”, nispaykichik, ichaqa nikichikmi, tarpuykunata qawariychik, cosechanapaq hina poqosqañam kachkan.

Jueces 5:5

Tayta Diospa qayllanpim orqokuna katkatatarqa, Israelpa Diosninpa qayllanpim Sinaí orqopas kuyurqa.