Amós 9:11 - CHUYA QELLQA La Biblia en Quechua de Ayacucho 2012

¹¹ Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Quechua Ayacucho Bible 1987

¹¹ —Davidpa hatun gobiernonqa kachkan tuñichisqa wasi hinam, chaytam huktawan hatarichisaq chay tiempopi. Perqapi uchkukunata hinam allichasaq, ñawpaq tiempopi kasqanman hinam rurasaq.

Chuya Qellqa 1992

¹¹ Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Amós 9:11 Iomraidhean Croise

Jobwan Sutichasqa Libro 1:10

Qamqa pipas mana llapchaykunanpaqmi qenchawan hina muyuruspa payta, ayllunkunata hinaspa tukuy ima kapuq-ninkunatapas waqaychachkanki. Llam-kaynintapas, animalninkunatapas bendeciykuptikim, llapa tukuy imanpas llumpa-llumpayta mirarun.

Isaías 16:5

Diosmi hatun kuyakuyninpi huk kamachikuqta Davidpa mirayninmanta churanqa. Paymi juzgaspan allin arreglota ruwanqa, runakuna allinta ruwanankupaqmi hikutanqa, nispanku.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Isaías 58:12

Miraynikikunam tuñisqa kaqkunata musoqmanta perqanqaku, ñawpaq cimientasqankutam takyachinqaku, hinaptinmi qamta sutichasunki: “Tuñichisqa perqakunata allichaq, purmasqa wasikunata musoqmanta hatarichiq”, nispa.

Isaías 63:11

Moisesmantawan llaqtanmanta yuyarispankum tapunakurqaku: ¿Maypitaq kachkan lamar qochamanta michiqninkunatawan ovejankunata salvaq Diosqa? ¿Maypitaq kachkan Moisesman Chuya Espirituta qoq Diosqa?

Isaías 65:9

Jacobpa churinkunatam mirachisaq, Judapa mirayninkunam orqoykunata hapikuykuspanku chaypi yachanqaku, akllakusqaykunam chay allpata chaskinqaku, serviqniykunam chaypi yachanqaku.

Jeremías 18:9

Munasqay horapitaqmi rimarisaq mayqan naciontapas, mayqan munaychakuytapas hatarichinaypaq chaynataq takyachinaypaqpas.

Jeremías 30:9

Aswanqa ñoqa Tayta Diostawan reyninkupaq churasqay Davidtañam serviwanqaku.

Jeremías 46:26

Ñoqa Tayta Diosmi nini: Ñoqam qoykusaq wañuchiy munaqnin enemigonkunaman otaq Babilonia nacionpa reynin Nabucodonosorman chaynataq serviqninkunaman. Chaywanpas Egipto nacionqa ñawpaq tiempokunapi hinaraqmi runakunapa huntasqan kanqa. Ñoqa Tayta Diosmi chaynata nini.

Lamentaciones 5:21

Dios Taytalláy, qanman kutirikunaykupaq kutirichiwayku, ñawpaq tiempopi hina musoqyachiwayku.

Ezequiel 17:24

Chaynapim llapallan purun sachakunapas Tayta Dios kasqayta yachanqaku, hatun tukuq sachata pampaman wikapaspaymi taksa kaq sachataña wiñachisaq, verde sachatam chakichini chaki sachatañataqmi verdeyachini. Ñoqa Tayta Diosqa imam nisqaytaqa cumplinipunim, nispa.

Ezequiel 36:11

Qamkunapi kaq runakunatapas, animalkunatapas ñoqam mirachisaq. Chaynapim paykunaqa nana-nanaqta miranqaku. Ñawpaq tiempopi hinaraqmi qamkunataqa chaypi kawsachisqaykichik. Qamkunataqa ñawpaq tiempomantapas aswan allintaraqmi ruwasqaykichik. Chaynapim Tayta Dios kasqayta yachankichik.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Abdías 1:17

Sión moqopim ichaqa asllapas salvakunqaraq Sionqa ñoqapaq sapaqchasqam kanqa. Jacobpa mirayninkunapas yapamantam kapuqninkunata kutichikunqaku.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Miqueas 7:11

Jerusalén llaqta, hamuchkanmi punchaw harkasuqniki perqaykikuna hatarichisqa kananpaq, chay punchawmi linderoykikunapas mirachisqa kanqa.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Miqueas 7:8

Cheqniwaqniy nación, tuñisqata qawawaspaykiqa amayá kusipayawaychu, wichiruspaypas ñoqaqa hatarisaqmi, tutayayña pampaykuwaptinpas Tayta Diosmi kanchariwaqniyqa.

Zacarías 12:7

Tayta Diosmi Judá naciontaraq puntata salvaykunqa, chaynapi Davidpa castankunawan Jerusalenpi yachaqkuna, Judá nacionpi mana hatunchakurunankupaq.

Zacarías 14:10

Kay allpam Geba lawmanta qallaykuspa Jerusalenpa sur lawninpi Rimón lawkama pampayanqa. Jerusalenmi ichaqa maymi kasqanpi takyanqa, chaypim runakuna yachanqaku Benjaminpa punkunmanta qallaykuspa esquina punkukama otaq ñawpaq tiempopi kaq punkukama chaynataq Hananeelpa torrenmanta qallaykuspa reypa lagarninkunakama.

Zacarías 6:12

Hinaspam Josueyta ninki, Tukuy Atiyniyuq Tayta Diosmi kaynata nin: Kaymi chay “Ikllirimuq” nispa sutichasqa runa, paymi sapinmanta ikllimuspan Tayta Diospa templonta musoqmanta hatarichinqa.

Números 24:18

Edompa allpantam hapikuykunqa, Seir orqopi kaq enemigonkunatam vencenqa. Israelpa mirayninkunaqa atiywanmi imatapas ruwanqaku,