Amós 8:9 - CHUYA QELLQA La Biblia en Quechua de Ayacucho 2012

⁹ Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Quechua Ayacucho Bible 1987

⁹ Yapamantam Señor Dios nin: Chay punchawpim doce horapi intita wañurachisaq. Punchawraq kachkaptinmi kay pachata tutayarachisaq.

Chuya Qellqa 1992

⁹ Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Amós 8:9 Iomraidhean Croise

Jobwan Sutichasqa Libro 5:14

Paykunaqa punchawpacham tutayaypi hina purinku, chawpi punchawpipas tutayaypi hinam purinku.

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 15:9

Qanchis wawayuq warmikunam wañunayanqaku, almankumanmi nanay huntaykunqa, punchawpas paykunapaqqa tutayaymi kanqa, penqaypi kaspankum muspaypi hina rikurinqaku. Paykunamanta puchuqkunatam enemigonkuman guerrapi wañuchinanpaq qoykusaq. Ñoqa Tayta Diosmi chaynata nini.

Ezequiel 32:7

Qamta puchukarachispaymi cielokunatapas tutayarachisaq, chaskakunatapas tutayarachisaq, intitapas puyuwanmi tapaykusaq, killapas manañam kanchanqañachu.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Amós 5:8

Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Miqueas 3:6

Chayraykum profeciapas mana kanqañachu, revelación chaskiypas tukurunqañam. Paykunamantaqa intipas pakakunqam, paykunapaqqa punchawpas kanqa tutayaymi.

Zacarías 14:7

Chay punchaw hinaqa manam kanqachu hukqa, chay punchawtaqa Tayta Diosllam reqsin. Chaypiqa manañam punchawpas nitaq tutapas kanqañachu, tutaykuruptinpas achkiqa hinallam kanqa.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Marcos 15:33

Chawpi punchawmanta kimsa hora tardeykuykamam kay pacha tutayarurqa

Lucas 23:44

Yaqa chawpi punchawmanta kimsa hora tardeykuykamam kay pacha tutayarurqa.

Apocalipsis 6:12

Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.