Amós 8:5 - CHUYA QELLQA La Biblia en Quechua de Ayacucho 2012

⁵ Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Quechua Ayacucho Bible 1987

⁵ Qamkunam ninkichik: “Amalaya pasarunmanña llullu killa punchawpi Dios adorana tiempo chaynapi trigonchikta rantikunanchikpaq. Amalaya samana punchaw pasarunmanña precionta wicharirachispa kawsayninchikta *f**rantikunanchikpaq hinaspa mana cabal pisaq balanzawanpas engañananchikpaq” nispa.

Chuya Qellqa 1992

⁵ Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Amós 8:5 Iomraidhean Croise

2~Reyes 4:23

Chaymi qosan tapurqa: ¿Imamantaq paypata rinki? Kunanqa manam musoq killachu nitaqmi samana punchawchu, nispa. Hinaptinmi warminñataq nirqa: Ama hukmanyaychu, nispa.

Éxodo 31:13

Isrelpa mirayninkunata kaynata nimuy: Samana punchawniykunapiqa samankichikpunim, chaymi qamkunapaqpas chaynataq miraynikichikkunapaqpas señal kanqa ñoqa Tayta Diosllapaqña sapaqchasqa kasqaykichikmanta.

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 16:11

Tayta Diospam mana suwakuq balanzawan cabal pesoqa, pesokunaqa paypa ruwasqallanmi.

Proverbios 20:23

Tayta Diosqa millakunmi mana cabal pesotawan suwakuq balanzataqa.

Isaías 1:13

Mana valeq ofrendakunataqa amaña apamuwaychikchu, chay ofrendakunapa qosnintapas millakuruniñam. Musoq killakunapi, samana punchawkunapi fiestakunapaq huñunakuynikichiktapas manam munaniñachu. Huchallikuq runakunapa fiestankunataqa amiruniñam.

Isaías 58:13

Sichum samana punchawniypi samaspaykiqa ruwaynikikunata samana punchawniypi mana ruwaspaykiqa, chay punchawta “kusikuna punchaw, Diospaq sapaqchasqa punchaw, kasukuna punchaw” nispa sutichaspaykiqa, manaña munasqaykipi purispa kasukuspaykiqa, nitaq munasqaykita maskaspa yanqakunapi mana purispaykiqa,

Oseas 12:7

Negociantekunaqa suwakuq balanzatam hatallinku, paykunaqa runamasin engañayllatam maskanku.

Oseas 12:8

Efrainmi kaynata nin: Ñoqaqa anchatam apuyaruni, qori-qollqetam llumpayta huñukuruni; manam pipas musyanqachu apuyanaypaq engañasqaytaqa, nispa.

Levítico 19:36

Balanzaykichikpas, pesoykichikpas, tupunaykichikpas chaynataq litroykichikpas cabalmi kanqa. Ñoqa Tayta Diosmi Egipto nacionmanta hurqomurqaykichik.

Zacarías 5:6

Chaymi ñoqa tapurqani: ¿Imataq wakqa? nispay. Hinaptinmi chay ángel niwarqa: Tupuna canastam. Wakqa llapa nacion-kunapa huchanta tupuqmi, nispan.

Zacarías 5:8

Hinaptinmi chay ángel niwarqa: Kay warmiqa tukuy mana allinmanmi rikchakun, nispa. Chaynata nispanmi chay warmita tupuna canasta ukuman tanqaykurqa, hinaspanmi chay titimanta tapanwan taparurqa.

Malaquías 1:13

Ninkichiktaqmi: ¡Mayna amiruypaqñam kaykunaqa! Chaynata nispam despreciawankichik. Hinaspam suwasqa animalkunata, wistu animalkunata, onqosqa animalkunata apamuwaspa kusikusqaytaraq piensankichik. Chaynaqa, ¿yaqachum chaykunata chaskisqaykichik? Tayta Diosmi chaynata nin.

Números 10:10

Trompetakunataqa tocankichiktaqmi kusikunaykichik punchawkunapipas, fiestakunapipas, musoq killakunapipas, lliw kañana sacrificiota ofrecewaspaykichikpas chaynataq ñoqawan allinlla kasqaykichikmanta ofrendata ofrecewaspaykichikpas, chaynapim ñoqa Diosnikichik mana qonqasqaykichikchu. Ñoqa Tayta Diosmi Diosnikichik kani.

Colosenses 2:16

Chaynaqa, amayá pipas rimaku-sunkichikchu: Imam mikusqaykichikmanta, tomasqaykichikmanta, fiestakuna ruwaymanta, watanpi otaq killanpi fiestakuna ruwaymanta, samana punchawpi samanamanta.

1~Samuel 20:5

Chaymi David nirqa: Paqarinmi llullu killa fiesta kanqa, chaypim mikunapaq reywan tiyanay yachakun. Chaynaqa, mincha punchaw tardeykuqkama purunpi pakakaramusaq.