Amós 8:3 - CHUYA QELLQA La Biblia en Quechua de Ayacucho 2012

³ Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Quechua Ayacucho Bible 1987

³ Chay punchawpiqa palaciokunapipas manam takinqakuñachu aswanqa qaparispam waqanqaku. Achka runakunam wañunqaku. Ayakunatam wischunqaku tukuy hinastinpi, chaynaqa upallallayá kaychik. Chaynatam Tayta Dios nin.

Chuya Qellqa 1992

³ Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Amós 8:3 Iomraidhean Croise

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Jeremías 22:18

Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Lamentaciones 2:10

Kuyayllapaq Sionpa ancianonkunapas pampapim upallalla tiyachkanku, umankuman uchpata machqekuykuspam luto pachawan churakurunku. Jerusalenpa sipas wawankunam pampamam kumuykunku.

Joel 1:11

Chakra llamkaqkuna, uvas plantaqkuna, llakikuymanta waqaychik; trigomantawan cebadamanta waqaychik, chakrakunapim cosecha pierderun.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:5

Llapa sinkakuna rikcharispa waqaychik, vino upyayman qokuruqkuna allwaychik, vinom simikichikmanta qechusqa.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Amós 4:10

Egipto nacionta castigasqayta hinam qamkunatapas castigarqaykichik, jovennikichikkunatapas espadawanmi wañuchirqani, caballoykichikkunatapas enemigoykikunam apakurqaku, wañuqkunapa asnaynintam muskirqankichik, chaywanpas manam ñoqaman kutirikamurqankichikchu. Tayta Diosmi chaynata nin.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Amós 5:23

Qayllaymanta wischuychik takikichiktapas, arpa tocasqaykichiktapas manam uyariyta munanichu.

Amós 6:4

Marfilmanta suma-sumaq catrekunapim waqtapankichik, mastakuykuspam puñukunkichik, malta carnerokunatawan malta torokunatam kanchanmanta hurqoykuspa mikukunkichik.

Amós 6:5

Arpata tocaspam musoq takikunata hurqokunkichik, rey David hinaraqmi musoq tocanakunata ruwakunkichik.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Nahúm 3:3

Sillada tropakunam kallpachkan, espadakunawan lanzakunam llipityachkan, waranqantin-waranqantinmi tuksisqa kuchusqa, wañuqkunapas manaña yupay atinam, runakunam kallpasqankupi chaykunawan urmachkanku.

Sofonías 1:7

Tayta Diospa qayllaypi upallaychik, Señorpa punchawninmi hichparamun. Tayta Diosmi huk sacrificiota allicharun, convidonman hamuqkunatam chuyancharun.