Amós 8:11 - CHUYA QELLQA La Biblia en Quechua de Ayacucho 2012

¹¹ Tayta Diosmi kaynata nin: Hamuchkanmi punchawkuna, kay pachaman yarqayta kacharimunaypaq; manam mikuymanta yarqaytachu, nitaqmi yakumanta yakunayachikuytachu, aswanqa Diospa Chuya simin uyariymanta yarqaytam.

Quechua Ayacucho Bible 1987

¹¹ Señor Diosmi nin: Hamuchkanmi tiempokuna, chay punchawkunapim kay pachapi *f**yachaqkunaman yarqayta apachimusaq. Chayna yarqayqa kanqa manam mikuymanta yarqachikuychu. Yakunayayqa kanqa manam yakumanta yakunayaychu aswanqa nisqaykuna uyariymantam.

Chuya Qellqa 1992

¹¹ Tayta Diosmi kaynata nin: Hamuchkanmi punchawkuna, kay pachaman yarqayta kacharimunaypaq; manam mikuymanta yarqaytachu, nitaqmi yakumanta yakunayachikuytachu, aswanqa Diospa Chuya simin uyariymanta yarqaytam.

Amós 8:11 Iomraidhean Croise

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

Proverbios 29:18

Diospa rimariynin mana kaptinqa llaqtapas huchamanmi qokurun, kamachikuyta kasukuqkunam ichaqa ancha kusisqa kanqaku.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Ezequiel 7:26

Paykunamanqa sasachakuymi manaña tukuyta chayamunqa, mana allin willakuykunam ñataq-ñataq chayamunqa. Yanqapaqmi profetatapas maskanqaku Diospa kaqta imallatapas willananpaq, yachachikuq sacerdotekunapas manañam kanqachu, allin consejakuq ancianokunapas manañam kanqachu.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Miqueas 3:6

Chayraykum profeciapas mana kanqañachu, revelación chaskiypas tukurunqañam. Paykunamantaqa intipas pakakunqam, paykunapaqqa punchawpas kanqa tutayaymi.

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

1~Samuel 28:15

Hinaptinmi Saulta Samuel nirqa: ¿Imanasqataq qayachimuwaspayki churmichawanki? nispa. Saulñataqmi nirqa: Filisteokuna contraypi peleaq hamurusqankuraykum ancha sasachakuypi kachkani. Diosmi ñoqamanta karunchakurun, manañam imallatapas niwanñachu, profetantakamapas nitaq musqoypipas. Chayraykum qayachimurqayki imam ruwanayta niykuwanaykipaq, nispa.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.

1~Samuel 3:1

Samuelmi warmallaraq kachkaspan sacerdote Eliyta yanapaspan Tayta Diosta servirqa. Chay punchawkunapiqa Diosqa manañam pitapas ancha rimapayarqañachu, nitaqmi pimanpas revelarqañachu.