Amós 8:10 - CHUYA QELLQA La Biblia en Quechua de Ayacucho 2012

¹⁰ Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Quechua Ayacucho Bible 1987

¹⁰ Fiestaykichikkunatam tikrarusaq wañuqkunamanta waqayman. Takikichikkunatam tikrarusaq aya takiman. Llapallaykichiktam lutochisqaykichik. Llakimantam chukchaykichikta chutakunkichik. Mamanmi waqan sapallan wawan wañukuptin. Chaynatam waqaykachisqaykichik. Llakipa hapisqallanñam kankichik.

Chuya Qellqa 1992

¹⁰ Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Amós 8:10 Iomraidhean Croise

Génesis 21:16

Chaypi warmata saqeykuspanmi karuniqpi tiyaykurqa: Waway wañuqtaqa amayá qawasaqchu, nispan. Warmañataqmi qaparispa waqakurqa.

Jobwan Sutichasqa Libro 20:23

Wiksanta huntachichkaptinmi piñakuyninta Dios kachaykunqa, parata hinam piñakuyninta kachaykunqa.

Jobwan Sutichasqa Libro 3:5

¡Ima allincha kanman karqa chay punchawta wañuypa llantuynin pampaykuptinqa, yanay-yanay puyu wankuykuptinqa, manchakuypaq tutayay munaychakuruptinqa!

Jobwan Sutichasqa Libro 30:31

Arpallaypas llakillatañam waqachkan, qenallaypas llakillatañam waqachkan.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Lamentaciones 5:15

Sonqoykupi kusikuyniykum chinkarun, tusuyniykupas llakikuymanñam tikrakurun.

Ezequiel 7:18

Llakimantam qachqa pachawan chura-kunqaku, manchakuymantam katkatatanqaku, uyankupas penqakuymantam pukayanqa, umankutapas kachiy-kachiytam rutukunqaku.

Ezequiel 7:2

Runapa churin, Israel nacionpi runakunatam ñoqa Tayta Dios kaynata nini: Tukupay punchawmi hichpamuchkanña, kay pachapa tawan lawninpa tukupayninmi chayamuchkanña.

Oseas 2:11

Kusikuynintapas chinkachisaqmi; fiestankunatapas, musoq killankunatapas, samana punchawninkunatapas hinaspa hatun huñunakuyninkunatapas qolluchisaqmi.

Oseas 2:13

Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Levítico 13:40

Sichum huk qaripa chukchankuna wichiruptinqa payqa paqlayarunmi. Payqa chuyam.

Amós 5:21

Cheqninim, millakunim yupaychawanaykichikpaq fiestaykichiktapas, hatun huñunakuykuna ruwasqaykichiktapas manam munanichu.

Amós 5:23

Qayllaymanta wischuychik takikichiktapas, arpa tocasqaykichiktapas manam uyariyta munanichu.

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Deuteronomio 16:14

Chay fiestapim churikichikkunawan, serviqnikichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan chaynataq viudakunawan kuska kusikunkichik.