Amós 7:17 - CHUYA QELLQA La Biblia en Quechua de Ayacucho 2012

¹⁷ Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Quechua Ayacucho Bible 1987

¹⁷ Ichaqa Tayta Diosmi nin: “Warmikim llaqtapipuni hukwan-hukwan kakunqa. Qari churikikunañataqmi warmi churikikunapiwan guerrapi wañunqaku. Chakraykikunatapas suerteaspankum rakinakunqaku. Kikikipunim wañunki taytacha-mamachakunapa allpanpi. Israel castakunam preso pusasqa kanqaku llaqtankumanta karullay-karuman” nispa.

Chuya Qellqa 1992

¹⁷ Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Amós 7:17 Iomraidhean Croise

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Isaías 13:16

Qawachkaptinkum wawa-churinkutapas pampaman waqtaspa wañuchinqaku, wasinkutam suwanqaku, warminkutam abusanqaku.

Isaías 22:18

Wankusqa kururta hina karupi hatun llaqtakama chamqarusuptikim chaypi wañumunki, alabakunayki carretakunapas chaypim tukunqa, patronnikipa ayllunpaqmi hatun penqay kanki.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 20:6

Pasur, qampas wasikipi llapallan yachaqkunapiwanmi Babiloniaman preso apasqa kanki. Chaypim wañuspa pampasqa kanki, chaypitaqmi profeta tukuspa rimapayasqayki amistadnikikunapas pampakunqaku, nispa.

Jeremías 28:12

Jeremiaspa matankanmanta yugota Hananías hurqoruspan pakiparusqanpa tumpa unayllanmantam Jeremiasta Tayta Dios nirqa:

Jeremías 28:16

Chayraykum Tayta Dios kaynata nisunki: Kay pachamantam chinkarachisqayki. Runakunata umachaspa ñoqapa contraypi hatarichisqaykimantam kunan wata wañunki, nispa.

Jeremías 29:21

Colaiaspa churin Acabmantawan Maasiaspa churin Sedequiasmanta chaynataq ñoqapa sutiypi llullakuspa willasuqnikichik profetakunamantam ñoqa Israelpa yupaychasqan Tukuy Atiyniyuq Tayta Dios kaynata nini: Babilonia nacionpa reynin Nabuco-donosorman qoykuptiymi qayllaykichikpi paykunata wañuchinqa.

Jeremías 29:25

Israelpa yupaychasqan Tukuy Atiy-niyuq Tayta Diosmi kaynata nin: Qanmi sutikipi cartakunata apachirqanki Jerusalén llaqtapi llapallan runakunaman, Maasiaspa churin sacerdote Sofoniasman hinaspa llapallan sacerdotekunamanpas. Chay cartapim Sofoniasta kaynata nirqanki:

Lamentaciones 5:11

Sión llaqtapi warmikunatam abusarqaku, Judá nacionpi sipaskunatam abusarqaku.

Ezequiel 4:13

Tayta Diosqa niwarqataqmi: Israelpa mirayninkunata huklaw nacionkunaman presota apachiptiymi kayna qacha tantakunata mikunqaku, nispa.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Amós 6:7

Chayraykum kunan preso apaqkunapas qamkunamanta qallarispa presochasunkichik; chaynapim hawkallaña samakuspa upyakuynikichikwan mikukuynikichikpas tukunqa, nispa.

Amós 7:11

Amosmi nichkan: “Jeroboammi espadapi wañunqa, Israelñataqmi karu llaqtaman preso apasqa kanqa”, nispan.

Amós 8:1

Tayta Diosmi qawachiwarqa canastapi poqosqa frutakunata.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.

Amós 9:8

Cheqaptapunim Tayta Diosqa hucha-sapa nacionpa contranpi kachkan, chay-raykum nin: Chayna naciontam kay pachamanta chinkachisaq. Jacobpa mirayninkutam ichaqa wakillantapas puchuykusaq, nispa.

Miqueas 1:16

Jerusalenpi yachaqkuna, wawa-churikichikmanta qaparkachaspa barbaykichikta rutukuychik, ullachku hina paqla uma kanaykichikkama umaykichiktapas ruturachikuychik, ancha kuyasqaykichik wawa-churikichikmi karu llaqtakunaman preso apasqa kanqaku.

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.