Amós 7:14 - CHUYA QELLQA La Biblia en Quechua de Ayacucho 2012

¹⁴ Hinaptinmi Amós nirqa: Ñoqaqa manam profetachu kani nitaqmi profetapa churinchu, aswanqa ovejata michispa purun higosta huñukuqllam kani.

Quechua Ayacucho Bible 1987

¹⁴ Hinaptinmi Amosñataq nirqa: —Manam ñoqaqa Diosmanta willakuqchu kani nitaqmi paykunapa castanchu kani. Ñoqaqa oveja michiqllam kani hinaspa purun higos *f**rantikuqllam.

Chuya Qellqa 1992

¹⁴ Hinaptinmi Amós nirqa: Ñoqaqa manam profetachu kani nitaqmi profetapa churinchu, aswanqa ovejata michispa purun higosta huñukuqllam kani.

Amós 7:14 Iomraidhean Croise

1~Reyes 19:19

Chaymanta lloqsispanmi Eliasqa, Safatpa churin Eliseota tarirurqa ya-puchkaqta. Chunka iskayniyuq yunda-kunamantam payñataq huknin yundawan qepallataña yapurqa. Eliasñataqmi Eliseopa waqtanta pasachkaspan capanwan Eliseota capaykachirqa.

1~Reyes 20:35

Profetakunapa churinkunamanta kaq runam profetamasinta Diospa kamachisqanman hina nirqa: ¡Maqaparuway! nispa. Hukninmi ichaqa mana munarqachu.

2~Reyes 2:15

Jericó llaqtapi kaq profetakunañataqmi waklaw chimpamanta qawamuspanku ninakurqaku: Eliaspa espiritunmi Eliseopiña kachkan, nispanku. Chaymi Eliseoman taripaspanku ñawpaqninpi qonqoranpa kumuykurqaku.

2~Reyes 2:3

Bet-el llaqtapi yachaq profetakunam, Eliseowan tupaq lloqsispanku nirqaku: ¿Manachu yachanki señorniki Eliasta Tayta Dios kunan hoqarirunanta? nispanku. Chaymi Eliseo nirqa: Arí yachanim, upallaychik, nispa.

2~Reyes 2:5

Jericó llaqtapi yachaq profetakunam Eliseoman taripaykuspanku nirqaku: ¿Manachu yachanki señorniki Eliasta Tayta Dios kunan hoqarirunanta? nispan-ku. Chaymi Eliseo nirqa: Arí yachanim, upallaychik, nispa.

2~Reyes 2:7

Ichaqa pichqa chunka profetakunam paykunata qatimuspanku chimpankupi sayaykuspa qawarqaku. Eliaswan Eliseoñataqmi Jordán mayupa patanpi sayaykurqaku.

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

2~Reyes 6:1

Huk punchawmi Eliseota llapa profetakuna nirqaku: Qawasqaykipi hinam kay yachasqanchik wasiqa kichkillaña.

2~Crónicas 16:7

Chay tiempopim profeta Hanani Judá nacionpa reynin Asaman hamuspa nirqa: Tayta Diosman mana hapipakuspayki aswanqa Siria nacionpa reyninman hapipakusqaykiraykum, Siriapa soldadonkuna qanmanta lluptirunku.

2~Crónicas 19:2

Hinaptinmi Hananipa churin profeta Jehú taripaykuspan rey Josafatta, nirqa: ¿Imanasqataq mana allin ruwaq runakunata yanapanki hinaspa Tayta Dios cheqniqkunata kuyanki? Chayraykum Tayta Diospas qampaq piñakurun.

2~Crónicas 20:34

Josafatpa imaynam kawsasqanwan imakunam ruwasqanpas qallariyninmanta tukupayninkamam Hananipa churin Jehupa qellqasqan libropi qellqasqa kachkan, chay libropas Israel nacionpi reykunamanta willakuq librokunapa hukninmi.

Jobwan Sutichasqa Libro 30:4

Sachakunapa ukunpim mikunankupaq qatqe qorakunatañam rachuqku, retamapa sapinkunatañam paykunaqa mikuqku.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Zacarías 13:5

Aswanqa sapakamam ninqaku: “Ñoqaqa manam profetachu kani, chakrapi llamkakuqllam, warmaymantapacham chakrallapi llamkani”, nispa.

1~Corintios 1:27

Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

1~Samuel 10:11

Ñawpaqmanta reqsiqninkunañataqmi profetakunawan kuskata rikuruspanku kaynata ninakurqaku: ¿Imataq Cispa churin Saulta pasarun? Paypas profetañam kasqa, nispanku.